თბილისი, 6 იანვარი — Sputnik. სომხეთში დიდთოვლობისა და ქარბუქის გამო რამდენიმე მიმართულებით ტრანსპორტის მოძრაობა აიკრძალა, იუწყება სომხეთის ტრანსპორტისა და კავშირგაბმულობის სამინისტრო.
ცუდი ხილვადობის გამო ტრანსპორტის მოძრაობა შეიზღუდა ბერდ-ჩამბარაკის, გორის-სისიანისა და სელიმის უღლტეხილზე. ასევე დილიჟან-სევანის გვირაბისა და არტიკ-მარალიკის გზის მონაკვეთზე.
ტრანსპორტის სამინისტრო მძღოლებს აღნიშნულ გზებზე გადაადგილებისგან თავის შეკავებისკენ მოუწოდებს.
„ტრანსპორტის მოძრაობისას უსაფრთხოების დაცვის მიზნით, შესაბამისი სპეც.ტექნიკა გზებზე ტექნიკურ მარილს აყრის, გზებზე გაწმენდითი სამუშაოები ამ დრომდე მიმდინარეობს“, — ნათქვამია განცხადებაში.
ჰიდრომეტცენტის მონაცემებით, სომხეთში თოვლი და ქარბუქი რამდენიმე დღეს კიდევ გაგრძელდება.
