USAID–მა საქართველოსთვის ორ პროექტზე გრანტი გამოყო

© photo: Sputnik / Наталья Селиверстова / გადასვლა მედიაბანკშიაშშ–ის დროშა
აშშ–ის დროშა - Sputnik საქართველო
გამოწერა
USAID–მა საქართველოს მთავრობას ორი პროექტის – „დემოკრატიული კონტროლი, ბალანსი და ანგარიშვალდებული მმართველობა“ და „ინკლუზიური და მდგრადი ეკონომიკური ზრდა“ – რეალიზებისთვის გრანტი გამოყო.

თბილისი, 24 დეკემბერი – Sputnik. საქართველოსა და ამერიკის შეერთებული შტატების საერთაშორისო განვითარების სააგენტოს (USAID) შორის საგრანტო შეთანხმებები გაფორმდა, რომლის ფარგლებშიც პირველ ეტაპზე საქართველოსთვის დაახლოებით 19,1 მლნ აშშ დოლარი გამოიყოფა, იუწყება საქართველოს ფინანსთა სამინისტრო. 

შეთანხმება ითვალისწინებს შემდეგი პროექტების განხორციელებას: „დემოკრატიული კონტროლი, ბალანსი და ანგარიშვალდებული მმართველობა“ და „ინკლუზიური და მდგრადი ეკონომიკური ზრდა“.

აშშ––ს ელჩი საქართველოში იან კელი პრემიერ ღარიბაშვილთან შეხვედრაზე - Sputnik საქართველო
აშშ–ის ელჩმა სახელმწიფო საზღვრის დაცვის მხრივ საქართველოსთან თანამშრომლობა შეაფასა

პროექტის „დემოკრატიული კონტროლი, ბალანსი და ანგარიშვალდებული მმართველობა“ ფარგლებში დაგეგმილია ღონისძიებები შემდეგი მიმართულებებით: კანონის უზენაესობა და ადამიანის უფლებები; დემოკრატიული მმართველობა; სამოქალაქო საზოგადოება. პირველ ეტაპზე გრანტის სახით გამოყოფილი იქნება დაახლოებით 6 მილიონი აშშ დოლარი. 

პროექტ „ინკლუზიური და მდგრადი ეკონომიკური ზრდის“ ფარგლებში, დაგეგმილია ღონისძიებები შემდეგი მიმართულებით: კონფლიქტების შემსუბუქება და შერიგება; განათლება; ინფრასტრუქტურა; სოფლის მეურნეობა; კერძო სექტორის კონკურენტუნარიანობა; გარემოს დაცვა. გრანტის სახით პირველ ეტაპზე გამოიყოფა დაახლოებით 13.1 მილიონი აშშ დოლარი.

პროექტები, სავარაუდოდ, 2016-2020 წლებში განხორციელდება.  

 

 

 

ყველა ახალი ამბავი
0