თბილისი, 11 დეკემბერი — Sputnik. საქართველოსა და უკრაინისათვის სავიზო რეჟიმის ლიბერალიზაციის საკითხი არ განიხილება ევროკავშირის ქვეყნების საგარეო საქმეთა მინისტრების საბჭოზე, რომელიც 14 დეკემბერს არის დაგეგმილი, განუცხადა ჟურნალისტებს ევროკავშირის ხელმძღვანელობასთან დაახლოებულმა წყარომ.
მოსალოდნელია, რომ ევროკომისია 15 დეკემბერს წარმოადგენს ანგარიშს თბილისისა და კიევის მიერ ევროკავშირთან სავიზო რეჟიმის ლიბერალიზაციის პროგრამის შესრულების თაობაზე. ევროკავშირთან უვიზო რეჟიმის შემოღებისათვის, უმაღლეს რადას უნდა მიეღო რიგი კანონპროექტებისა, თუმცა ყველა მათგანი არ ყოფილა მიღებული და ეხლა საჭიროა ევროკომისიის ექსპერტიზა.
„უკრაინასა და საქართველოსთან ვიზების ლიბერალიზაციაზე ევროკომისიის ანგარიში უნდა შემოვიდეს 15 დეკემბერს, ხოლო ევროკავშირის საგარეო საქმეთა მინისტრთა საბჭო მანამდე შედგება, ამიტომ ჩვენ არ ვგეგმავთ ამ საკითხის განხილვას საბჭოზე“, — თქვა მან.
