თბილისი, 7 დეკემბერი — Sputnik. „გიუნეშლის“ ნავთობსაბადოს პლატფორმაზე გაჩენილი ხანძრის შედეგად დაკარგული 29 ადამიანის ადგილმდებარეობა ამ დრომდე უცნობია.
„აზერბაიჯანის ნავთობის“ მთავარი ინჟინრის, ბალამირზა აგარასიმოვის განცხადებით, 7 დეკემბერს, 11:00 სთ-ზე დაკარგული 29 მენავთობე ამ დრომდე უგზოუკვლიდ დაკარგულად ითვლება. მისი სიტყვებით, საძიებო ოპერაციაში თვითმფრინავებიც ჩართულია. გარდა ამისა, ხანძრის ლოკალიზება ამ დრომდე ვერ ხერხდება“, — იუწყება აზერბაიჯანული გამოცემა "Vesti.Az".
გავრცელებული ინფორმაციით, აზერბაიჯანში, „გიუნეშლის“ ნავთობსაბადოს მე-10 პლატფორმაზე ხანძარი გაზსადენის დაზიანების გამო გაჩნდა.
გავრცელებული ინფორმაციით, ხანძრის შედეგად ერთი ადამიანი გარდაიცვალა, 32 ადამიანის გადარჩენა კი შესაძლებელი გახდა. მომხდარ ფაქტთან დაკავშირებით, აზერბაიჯანში გლოვის დღე გამოცხადდა. აზერბაიჯანის ნავთობის სახელმწიფო კომპანიის ვიცე-პრეზიდენტის, ხალიკ მამედოვის განცხადებით, აზერბაიჯანმა კასპიისზღვისპირა ქვეყნებს დაღუპულთა ძებნის ოპერაციაში დახმარება სთხოვა.
