თბილისი, 4 დეკემბერი — Sputnik. საქართველოში ფარული პატრულის ამოქმედება იგეგმება — შინაგან საქმეთა სამინისტროს თანამშრომლები ამოსაცნობი ნიშნების არმქონე მანქანებით იმოძრავებენ, — განუცხადა ჟურნალისტებს შს მინისტრის მოადგილე შალვა ხუციშვილმა.
„მნიშვნელოვანი სიახლე იქნება საქართველოსთვის პოლიციის შესაძლებლობის გაძლიერება და ფარული პატრულირების შემოღება, რაც გულისხმობს, რომ პოლიციის მანქანები ამოსაცნობი ნიშნების გარეშე, მაგალითად, მიკროავტობუსის ფორმით, წინასწარ განსაზღვრული მარშრუტით იმოძრავებენ, ავტომატურად რეალურ დროში დააფიქსირებენ დარღვევებს და მძღოლთან კონტაქტის გარეშე მოხდება დამრღვევი პირების გამოვლენა და დაჯარიმება ვიდრეოჯარიმების რეჟიმში“, — განაცხადა ხუციშვილმა.
ამას გარდა, სიჩქარის გადაჭარბების დასაფიქსირებლად იგეგმება გადასატანი რადარების გამოყენებაც.