თბილისი, 3 დეკემბერი — Sputnik. 2015 წლის ნოემბერში ყველა სახის საწვავზე ფასები საცალო ქსელში 1 ლიტრზე 10 თეთრით (4,2 ცენტით) შემცირდა. საქართველოს ნავთობპროდუქტების იმპორტიორთა კავშირი.
დღევანდელი მდგომარეობით, ბრენდირებული ბენზინგასამართი სადგურების ქსელში საშუალო ფასი შეადგენს: ბენზინი სუპერ — 1,99-2,00 ლარს, პრემიუმი — 1,89 —1,95 ლარი ლიტრზე, რეგულარი —1,73-1,88 ლარი ლიტრზე, ევრო-დიზელი — 1,87-1,95 ლარი ლიტრზე, დიზელი 1,72-1,75 ლარი ლიტრზე. მიმდინარე კურსია — 1 დოლარი 2,4 ლარი.
ნავთობპროდუქტების იმპორტიორთა კავშირის ინფორმაციით, მიმდინარე წლის ივნისიდან ფასი საწვავზე 20-25 თეთრით დაეცა.
„ნავთობის ფასის შემცირების პარალელურად ბოლო პერიოდის განმავლობაში ხდება ასევე ნავთობპროდუქტების საერთაშორისო ფასების შემცირება Platt's-ის მიხედვით, რომელზეცაა დამოკიდებული საქართველოში საწვავის ფასი. კერძოდ, დღეისათვის ბენზინის საერთაშორისო ფასი Platt's-ის მიხედვით შეადგენს 475,00 დოლარს/ტონაზე, ხოლო 10PPM დიზელის საწვავის ფასი - 402,50 დოლარს/ტონაზე“, — იტყობინება კავშირი.
