თბილისი, 3 დეკემბერი — Sputnik. საქართველოს თასის ¼ ფინალის პირველი მატჩები უკვე გაიმართა.
„ჩიხურამ“ საკუთარ მოედანზე „შუქურა“ ანგარიშით 2:0 დაამარცხა. მატჩის ბედი მასპინძლებმა თამაშის პირველივე წუთებიდან განსაზღვრეს, მიხეილ სარდალიშვილმა და ჭიაბერ ჩეჩელაშვილმა თავიანთი გატანილი გოლებით გულშემატკივრებს სიხარული მიანიჭეს. მეორე ტაიმში ქობულეთის გუნდი ცდილობდა ანგარიშის გახსნას, მაგრამ მასპინძლებმა მათ ამის საშუალება არ მისცეს.
დაძაბულ ვითარებაში გაიმართა „სამტრედიასა“ და „სიონის“ შეხვედრა — გუნდები, რომლებიც მსოფლიო ჩემპიონატზე ევროპის თასის ადგილისთვის იბრძვიან. მიუხედავად მცდელობისა, აღნიშნული მატჩი ფრედ — 0:0 დასრულდა.
„ზუგდიდის“ გუნდი, რომელიც სატურნირო ცხრილში ბოლო ადგილზეა, „ვით-ჯორჯიას“ შეხვდა, რომელიც 1/4 ფინალის პირველი დივიზიონის წარმომადგენელია. საკუთარი უპირატესობა „ზუგდიდმა“ თამაშის 36-ე წუთზე დააფიქსირა, როდესაც ნიკა ლაშხიამ მთელ მატჩში ერთადერთი გოლი გაიტანა.
¼ ფინალის ბოლო მატჩში ერთმანეთს საქართველოს თასის მოქმედი მფლობელი — თბილისის „დინალო“ და ქუთაისის „ტორპედო“ შეხვდა. მიუხედავად წვიმიანი ამინდისა, ფეხბურთელებს სტადიონზე საკმაო რაოდენობის გულშემატკივარი ჰყავდათ. გულშემატკივრები. „დინამოს“ უპირატესობა მთელი მატჩის განმავლობაში ნათელი იყო და 77-ე წუთზე გიორგი ქვილითაიას მიერ გატანილმა გოლმა, ფაქტობრივად, გადაწყვიტა მთლი მატჩის ბედი. „დინამო“ ერთადერთი გუნდი აღმოჩნდა, რომელმაც არამარტო ბურთის გატანა, არამედ გამარჯვებაც მოიპოვა.
საქართველოს თასის ¼ ფინალის პირველი მატჩების შედეგები:
"ჩიხურა" — "შუქურა" 2:0;
"სამტრედია" — "სიონი" 0:0;
"ზუგდიდი" — "ვით-ჯორჯია" 1:0;
"ტორპედო" — თბილისის "დინამო" 0:1.
¼ ფინალის საპასუხო მატჩები 16 დეკემბერს ჩატარდება.
