თბილისი, 2 დეკემბერი — Sputnik. „ბატაკლანის“ თეატრი, სადაც 13 ნოემბერს საშინელი ტერაქტი მოხდა, სავარაუდოდ 2016 წლის ბოლოს კვლავ გაიხსნება, — განაცხადა თეატრის თანამფლობელმა ოლივიე პუბელმა გაზეთ Monde–სთან ინტერვიუში.
„დიდი იმედი გვაქვს, რომ [„ბატაკლანი“] 2016 წლის ბოლოს გაიხსნება“, — განაცხადა პუბელმა.
ტერაქტის შემდეგ არც პუბელი და არც მეორე თანამფლოელი ჟიულ ფრიუტო თეატრის შენობაში არ შესულან.
„პოლიციელები იქ შესვლას არ გვირჩევდნენ და მართლებიც იყვნენ. ეს ჩვენს დასაცავად არის საჭირო. არცერთი თანამშრომელი იქ არ შესულა, გარდა ორი ტექნიკური მუშაკისა, რომლებსაც იქ კონკრეტული საქმე ჰქონდათ. მიმდინარეობს გამოძიება და ეს დიდხანს გასტანს“, — აღნიშნა პუბელმა.
