თბილისი, 2 დეკემბერი — Sputnik. ბოსნიასა და ჰერცეგოვინას, საქართველოსა და მაკედონიას ნატოში გაწევრიანების გზაზე პროგრესი აღენიშნებათ, — განაცხადა ნატოს გენერალურმა მდივანმა იენს სტოლტენბერგმა.
„ბოსნია და ჰერცეგოვინა, საქართველო და ყოფილი იუგოსლავიის რესპუბლიკა მაკედონია ასევე ახდენენ ნატოში გაწევრიანების გზაზე მიღწეული პროგრესის დემონსტრირებას“, — განუცხადა ჟურნალისტებს გენმდივანმა მას შემდეგ, რაც ნატომ ჩერნოგორიასთან მისი ალიანსში გაწევრიანების თაობაზე მოლაპარაკებების დაწყება გადაწყვიტა.
იენს სტოლტენბერგის განცხადებით, ალიანსის გადაწყვეტილება ჩერნოგორიასთან დაკავშირებით, ადასტურებს, რომ „ნატოს კარი ღიაა“ ახალი წევრების მისაღებად.
