ნატო საქართველოსთან თანამშრომლობის განმტკიცების ღონისძიებებს მოამზადებს

© Public Domainნატო
ნატო - Sputnik საქართველო
გამოწერა
НовостиTelegram
ნატოს წევრი ქვეყნების საგარეო საქმეთა მინისტრებმა განაცხადეს, რომ მიესალმებიან საქართველოს მიერ 2008 წლის შემდეგ მიღწეულ პროგრესს, და აღნიშნეს, რომ საქართველოს ალიანსთან ურთიერთობა მოიცავს მისი შესაძლო გაწევრიანებისთვის აუცილებელ ყველა ინსტრუმენტს.

თბილისი, 2 დეკემბერი — Sputnik. ნატო 2016 წლის ვარშავის სამიტისთვის ყველა იმ კონკრეტულ ღონისძიებას მოამზადებს, რომლებიც საქართველოსთან პოლიტიკურ და პრაქტიკულ თანამშრომლობას განამტკიცებს, — აღნიშნეს ალიანსის წევრი ქვეყნების საგარეო საქმეთა მინისტრებმა. 

„ვარშავის სამიტისათვის მზადების კვალდაკვალ, ჩვენ ვსწავლობთ ძალისხმევის გაძლიერების ახალ, პრაქტიკულ გზებს. მათ შორის მოიაზრება მაღალი დონის პოლიტიკური დიალოგი და გაძლიერებული თანამშრომლობა — თავდაცვისა და სტრატეგიული კომუნიკაციების სფეროს ჩათვლით“, — ნათქვამია მინისტერიალის კომუნიკეში. 

მინისტრებმა ხაზი გაუსვეს, რომ 2008 წლის ბუქარესტის სამიტზე მიღებული იყო გადაწყვეტილება, რომ საქართველო, მაპ–ის ფარგლებში,  ნატოს წევრი გახდება. 

საქართველოს პრემიერ–მინისტრი ირაკლი ღარიბაშვილი - Sputnik საქართველო
საქართველოს პრემიერმა ნატოში გაწევრიანების პერსპექტივებზე ისაუბრა

„დღეს ჩვენ კვლავ ვადასტურებთ ამ გადაწყვეტილების შემადგენლებსა და ასევე ყველა მომდევნო გადაწყვეტილებას. მივესალმებით მნიშვნელოვან პროგრესს, რომელსაც საქართველომ 2008 წლიდან მიაღწია. საქართველოს ალიანსთან ურთიერთობა მოიცავს მისი შესაძლო გაწევრიანებისთვის აუცილებელ ყველა ინსტრუმენტს“, — განაცხადეს საგარეო უწყებების ხელმძღვანელებმა. 

ყველა ახალი ამბავი
0