თბილისი, 30 ნოემბერი — Sputnik. რეჟისორ ელდარ რიაზანოვთან გამოთხოვების ცერემონია 3 დეკემბერს, მოსკოვში „Дом союзов“- ის სვეტებიან დარბაზში გაიმართება, განაცხადა ორშაბათს რეჟისორის მეუღლემ ემა რიაზანოვამ.
ელდარ რიაზანოვი ორშაბათს, 89 წლის ასაკში გარდაიცვალა. ბოლო წლების მანძილზე იგი საკმაოდ ხშირად ავადმყოფობდა.
მანამდე რეჟისორის შვილიშვილმა დიმიტრი ტროიანოვსკიმ განაცხადა, რომ რიაზანოვს ნოვოდევივიჩის სასაფლაოზე დაკრძალავენ.
საბჭოთა კავშირის სახალხო არტისტი ელდარ რიაზანოვი — რუსი და საბჭოთა კინორეჟისორი, სცენარისტი, მსახიობი, პედაგოგი, ტელეწამყვანი, მწერალი, პოეტი, დრამატურგი. ავტორი ფილმებისა „საკარნავალო ღამე“, „უფრთხილდი ავტომობილს“, „ბედის ირონია ანუ გაამოთ“, „სამსახურებრივი რომანი“, „ვაგზალი ორისათვის“ და ბევრი სხვა.
