რუსეთის პრეზიდენტმა ვლადიმერ პუტინმა რწმუნებათა სიგელების გადაცემის ცერემონიაზე კრემლში განაცხადა, რომ ანკარას ჯერ კიდევ არ მოუხდია ბოდიში თურქეთის სამხედრო–საჰაერო ძალების მიერ ჩამოვარდნილი რუსული სუ–24–ის ინციდენტისათვის.
თურქეთის სამხედრო–საჰაერო ძალების რუსულ ჩამოგდებულ სუ–24–თან დაკავშირებული ინციდენტი ეწინააღმდეგება საერთაშორისო უფლებას, აქამდე არ გაჟღერებულა ანკარის მხრიდან განცხადება დანაკარგის ანაზღაურებისა და დამნაშავეთა დასჯის შესახებ, განაცხადა რუსეთის პრეზიდენტმა ვლადიმერ პუტინმა.
"ის, რაც მდა 2 დღის წინ სირიის საჰაერო სივრცეში, ეწინააღმდეგება საღ აზრს და საერთაშორისო უფლებებს. თვითმფრინავი სირიის ტერიტორიაზე ჩამოვარდა. ჩვენ აქამდე არ მოგვისმენია თურქეთის უმაღლესი დონის პოლიტიკური ბოდიში, არც ზიანისა და დანაკლისის ანაზღაურებს შემოთავაზება, არც ჩადენილ ქმედებაში დამნაშავეთა დასჯის პირობა", – განაცხადა მან.
რუსეთმა მომხდარი შეაფასა როგორც "ზურგში დარტყმა" ტერორისტების თანამოაზრეების მხრიდან. რუსეთის სამხედრო ძალების გენშტაბმა განაცხადა, რომ ჩამოგდებულ სუ–24–ს თურქეთის საზღვარი არ გადაუკვეთავს და ამას სირიის ჰაერსაწინააღმდეგო თავდაცვაც ადასტურებს. თურქეთი ამტკიცებს, რომ რუსული თვითმფრინავი მის საჰაერო სივრცეში შეიჭრა.
