თბილისი, 20 ნოემბერი – Sputnik. პარიზის ტერაქტების დროს დაღუპულთა ხსოვნის ცერემონია საფრანგეთის დედაქალაქში 27 ნოემბერს გაიმართება, — განაცხადეს ელისეის სასახლეში.
„13 ნოემბერს ტერაქტებისას დაღუპულთა ხსოვნის ეროვნული ცერემონია „ინვალიდთა სახლის“ ეზოში პარასკევს, 27 ნოემბერს ჩატარდება. ცერემონია ადგილობრივი დროით 10.30 საათზე დაიწყება“, — ნათქვამია საფრანგეთის პრეზიდენტის ადმინისტრაციის განცხადებაში.
პარიზში პარასკევს, 13 ნოემბერს ტერაქტების სერია განხორციელდა. უცნობმა პირებმა ერთ–ერთ რესტორანში ცეცხლი გახსნეს, მოაწყეს სამი აფეთქება სტადიონ „სტად დე ფრანსის“ მახლობლად, სადაც საფრანგეთისა და გერმანიის საფეხბურთო ნაკრებების ამხანაგური შეხვედრა მიმდინარეობდა და რომელსაც საფრანგეთის პრეზიდენტი ფრანსუა ოლანდი ესწრებოდა, ხოლო თეატრ „ბატაკლანში“როკ–კონცერტზე მძევლები აიყვანეს. ბოლო მონაცემებით, ტერაქტებს 129 ადამიანი ემსხვერპლა, დაახლოებით 300 – დაიჭრა.
