თბილისი, 17 ნოემბერი — Sputnik. „ისლამური სახელმწიფოს პროპაგანდისტული გვერდის გამოჩენას ქვეყნის უსაფრთხოების სამსახურები იძიებენ. განაცხადა სახელმწიფო უსაფრთხოების სამსახურის უფროსის მოადგილემ, ლევან იზორიამ ტელეკომპანია „მაესტროს“ ეთერში.
პარიზში მომხდარი ტერორისტული აქტების შემდეგ, საქართველოში გამკაცრდა უსაფრთხოების ზომები, მათ შორის საზღვრებზე და აეროპორტებში. ასევე გამკაცრდა კონტროლი სტრატეგიულად მნიშვნელოვან ობიექტებზე.
„ამ გვერდის გარდა, არსებობს კიდევ სხვა გვერდები და ამ ფაქტთან დაკავშირებით დაწყებულია გამოძიება. ბუნებრივია ჩვენ გამოძიების ინტერესებით ვხელმძღვანელობთ და ოპერატიული ღონისძიებებიდან გამომდინარე ვაკვირდებით ვინ არის მათი აქტიური მომხმარებელი. მაგრამ უახლოეს მომავალში ჩვენ სასამართლოს მივმართავთ მსგავსი გვერდების აკრძალვის მოთხოვნით“, — თქვა იზორიამ.
