თბილისი, 17 ნოემბერი — Sputnik. გაეროს ლტოლვილთა საკითხებში უმაღლესი კომისრის აპარატი საზოგადოებას მოუწოდებს, არ გაადემონიზონ ლტოლვილები პარიზის ტერაქტების შემდეგ, — განაცხადა გაეროს ლტოლვილთა საკითხებში უმაღლესი კომისრის პრესმდივანმა მელისა ფლემინგმა.
„ჩვენ გვაშფოთებს რიგი სახელმწიფოების გადაწყვეტილება, შეწყვიტონ ლტოლვილთა მიღების პროგრამა… ჩენ ასევე ღრმად შეშფოთებულები ვართ იმგვარი გამონათქვამებით, რომლებიც ლტოლვილების დემონიზებას ახდენს. ეს სახიფათი ტენდენციაა, რომელმაც შეიძლება ქსენოფობიისა და შიშის ჩამოყალიბებამდე მიგვიყვანოს“, — თქვა მან.
მედიის ინფორმაციით, ამერიკის 50–დან 22 შტატის გუბერნატორმა სამშაბათს უარი განაცხადა სირიელი ლტოლვილების მიღებაზე მას შემდეგ, რაც პარიზში ტერაქტები მოხდა.
