თბილისი, 17 ნოემბერი — Sputnik. ტერორისტულ ორგანიზაცია „ისლამურ სახელმწიფოს“ არაფერი აქვს საერთო ისლამთან, — ჩაწერა საქართველოს პრეზიდენტმა გიორგი მარგველაშვილმა სამძიმრის წიგნში, რომელიც პარიზის ტერაქტებში დაღუპულებს ეძღვნება.
17 ნოემბერი 2015, 12:03
„ამ მძიმე წუთებში თანადგომას ვუცხადებ ფრანგ ხალხს და საფრანგეთის სახელმწიფოს… „ისლამური სახელმწიფო" არის ერთი დიდი ტყუილი, რადგან არც სახელმწიფოსთან აქვს არანაირი კავშირი და არც ისლამთან, ეს არის ტერორისტული წარმონაქმნი, რომელიც ისევე დაასრულდება, როგორც ასრულებენ ტერორისტები“, — აღნიშნა საქართველოს პრეზიდენტმა.
საქართველოს პრეზიდენტმა საფრანგეთის ელჩს საქართველოში რენო სალენსს პირადად მიუსამძიმრა.
