თბილისი, 14 ნოემბერი — Sputnik. ტერაქტების შედეგად პარიზში 127 კაცი დაიღუპა, განაცხადა საფრანგეთის პრეზიდენტმა ფრანსუა ოლანდმა.
„ამ დროისათვის 127 კაცია დაღუპული, ბევრიც დაშავებული. ეს აბსოლუტური ბარბაროსობაა“, — განაცხადა ოლანდმა ერისადმი თავის ტელემიმართვაში.
პარასკევს ღამე, ტერაქტების სერია მოხდა პარიზში. უცნობმა პირებმა მეათე რაიონის ერთ-ერთ რესტორანში ცეცხლი გახსნეს, სამი აფეთქება გაისმა „სტად დე ფრანსის“ სტადიონის მახლობლად, სადაც მიმდინარეობდა ამხანაგური მატჩი საფრანგეთსა და გერმანიას შორის. მატჩს საფრანგეთის პრეზიდენტი ფრანსუა ოლანდი ესწრებოდა.
გარდა ამისა როკ-კონცერტზე თეატრ „ბატაკლანში“, მე11-ე რაიონში უცნობმა პირებმა მძევლები აიყვანეს.
