თბილისი, 14 ნოემბერი — Sputnik. ტერაქტები პარიზში შეიარაღებყლი აგრესიაა, რომლის მიღმაც ე.წ. „ისლამური სახელმწიფო“ დგას, განაცხადა საფრანგეთის პრეზიდენტმა ფრანსუა ოლანდმა.
„ეს არის ომის აქტი, და ამ თავდასხმის უკან ტერორისტული არმია, „ისლამური სახელმწიფო“, ჯიჰადისტები დგანან, რომლებიც საფრანგეთის წინააღმდეგ გამოვიდნენ, იმ ფასეულობების წინააღმდეგ, რომელსაც ჩვენ ვიცავთ მთელს მსოფლიოში“, — თქვა პრეზიდენტმა ნაციისადმი ტელემიმართვაში.
პარასკევს ღამე, ტერაქტების სერია მოხდა პარიზში. უცნობმა პირებმა მეათე რაიონის ერთ-ერთ რესტორანში ცეცხლი გახსნეს, სამი აფეთქება გაისმა „სტად დე ფრანსის“ სტადიონის მახლობლად, სადაც მიმდინარეობდა ამხანაგური მატჩი საფრანგეთსა და გერმანიას შორის. მატჩს საფრანგეთის პრეზიდენტი ფრანსუა ოლანდი ესწრებოდა.
გარდა ამისა როკ-კონცერტზე თეატრ „ბატაკლანში“, მე11-ე რაიონში უცნობმა პირებმა მძევლები აიყვანეს. ტერაქტს სულ მცირე 127 ადამიანი ემსხვერპლა.
