თბილისი, 14 ნოემბერი — Sputnik. პარიზში მომხდარი ტერორისტული აქტების შემდეგ, საფრანფეთის პრეზიდენტმა ფრანსუა ოლანდმა სამ დღიანი გლოვა გამოაცხადა.
„მე ხელი მოვაწერე განკარგულებას ეროვნული გლოვის გამოცხადების შესახებ სამი დღით“, — განაცხადა ოლანდმა ფრანგებისადმი სატელევიზიო გამოსვლაში.
პარასკევს ღამე, ტერაქტების სერია მოხდა პარიზში. უცნობმა პირებმა მეათე რაიონის ერთ-ერთ რესტორანში ცეცხლი გახსნეს, სამი აფეთქება გაისმა „სტად დე ფრანსის“ სტადიონის მახლობლად, სადაც მიმდინარეობდა ამხანაგური მატჩი საფრანგეთსა და გერმანიას შორის. მატჩს საფრანგეთის პრეზიდენტი ფრანსუა ოლანდი ესწრებოდა.
გარდა ამისა როკ-კონცერტზე თეატრ „ბატაკლანში“, მე11-ე რაიონში უცნობმა პირებმა მძევლები აიყვანეს. ტერაქტს სულ მცირე 127 ადამიანი ემსხვერპლა.
