თბილისი, 9 ნოემბერი — Sputnik. საქართველოს საგარეო საქმეთა ექს-მინისტრი თამარ ბერუჩაშვილი ამიერიდან სახელმწიფო საპარტნიორო ფონდის რეფორმირებით დაკავდება, იტყობინება ქართული მედია.
საქართველოს პრემიერ-მინისტრმა ირაკლი ღარიბაშვილმა თამარ ბერუჩაშვილი 1 სექტემბერს გაანთავისუფლა დაკავებული თანამდებობიდან და მის ადგილზე გიორგი კვირიკაშვილი დანიშნა, რომელსაც მანამდე ეკონომიკის მინისტრის პოსტი ეკავა.
9 ნოემბერს, ორშაბათს, ცნობილი გახდა, რომ თამარ ბერუჩაშვილმა მუშაობა დაიწყო საპარტნიორო ფონდის რეფორმირებითა და საერთაშორისო საფინანსო ინსტიტუტებტან ურთიერთობით დაკავებულ საკონსულტაციო ჯგუფში.
სს საპარტნიორო ფონდი სახელმწიფომ 2011 წლის 28 ივნისს დააარსა. მისი 100% სახელმწიფოს ეკუთვნის. ფონდის მიზანია საჯარო და კერძო სექტორებს შორის თაამშრომლობის განვითარება საინვესტიციო პროექტების, სამუშაო ადგილების შექმნის, უცხოური ინვესტიციების მოზიდვისა და საქართველოს ეკონომიკის განვითარების მიზნით. ფონდი ოთხ სექტორში ფუნქციონირებს — ენერგეტიკა, სოფლის მეურნეობა, წარმოება და უძრავი ქონება. საპარტნიორო ფონდის ფინანსური მონაწილეობა პროექტის ჯამური კაპიტალიდან 49%-მდე და პროექტის ჯამური ღირებულებიდან 25%-მდეა. დანარჩენ კაპიტალს სტრატეგიული ინვესტორები უზრუნველყოფენ.
