თბილისი, 9 ნოემბერი — Sputnik. ყაზბეგში რიგით მეთექვსმეტე იუსტიციის სახლი საქართველოს იუსტიციის მინისტრმა თეა წულუკიანმა საზეიმო ვითარებაში გახსნა, ამის შესახებ საქართველოს იუსტიციის სამინისტროს პრეს-სამსახური იტყობინება.
იუსტიციის სახლი — სახელმწიფო დაწესებულებაა, რომელიც აერთიანებს სამოქალაქო რეესტრს, ეროვნულ არქივსა და სხვა სტრუქტურებს. იქვე მუშაობს კომერციული ბანკების ფილიალები. „ერთი ფანჯრის“ პრინციპით, უმოკლეს ვადებში ფორმდება და გაიცემა დოკუმენტები — პასპორტისა და სხვა მოწმობებით დაყებული და დაწესებულებებისა და სხვადასხვა ხელშეკრულებების გაფორმებით დასრულებული.
„ყველაფერი ერთ სივრცეში უკვე ყაზბეგშიც ხელმისაწვდომია. ადგილობრივ მოსახლეობას საშუალება აქვს ოთხასამდე სერვისი იუსტიციის სახლისთვის დამახასიათებელი მაღალი ხარისხითა და ოპერატიულობით მიიღოს“, — თქვა გახსნის ცერემონიაზე თეა წულუკიანმა.
საქართველოში პირველი იუსტიციის სახლი ბათუმში, 2011 წელს გაიხსნა.
