ქართველი რაგბისტები მსოფლიო ჩემპიონატისთვის მუხროვანის სამხედრო ბაზაზე მოემზადნენ

გამოწერა
სამი დღის განმავლობაში ახალგაზრდა მორაგბეებმა საკაცეებითა და ტყვია-წამლით სავსე ყუთებით 7 და 12 კილომეტრიანი მარში განახორციელეს. კომპლექსურ ვარჯიშებთან ერთად მორაგბეებს წინაღობათა ბილიკის გადალახვა, მორების და ტომრების თავზევით გადაკიდება, 15 კგ-იანი ტომრების სროლა, წყლით სავსე 200 ლიტრიანი ტევადობის კასრებისა და საბურავების გორაობა უხდებოდათ.

 თბილისი, 1 ნოემბერი —Spurnik. საქართველოს 20 წლამდე რაგბის ნაკრებმა მსოფლიო ჩემპიონატისთვის მზადება სპეციალური ოპერაციების ძალებში კარანტინის გავლით დაიწყო. ახალგაზრდა მორაგბეებმა სამ დღიანი მენტალური კურსი სპეციალური დანიშნულების სასწავლო ცენტრში, მუხროვანის ბაზაზე გაიარეს, — იტყობინება საქართველოს თავდაცვის სამინისტროს პრეს-სამსახური. 

 სწავლებაში სხვადასხვა სარაგბო კლუბების 46 ახალგაზრდა მოთამაშე იყო ჩართული. ფსიქოლოგიური და ფიზიკური გამძლეობის წვრთნებს სასწავლო ცენტრის ინსტრუქტორები ხელმძღვანელობდნენ. სწავლების განმავლობაში დავალებებთან ერთად ამინდიც რთულდებოდა.

 სამი დღის განმავლობაში ახალგაზრდა მორაგბეებმა საკაცეებითა და ტყვია-წამლით სავსე ყუთებით 7 და 12 კილომეტრიანი მარში განახორციელეს. კომპლექსურ ვარჯიშებთან ერთად მორაგბეებს წინაღობათა ბილიკის გადალახვა, მორების და ტომრების თავზევით გადაკიდება, 15 კგ-იანი ტომრების სროლა, წყლით სავსე 200 ლიტრიანი ტევადობის კასრებისა და საბურავების გორაობა უხდებოდათ. 

 ფიზიკური და ფსიქოლოგიური ვარჯიშების გარდა მოთამაშეებმა პირველადი სამედიცინო დახმარების მცირე კურსი გაიარეს. ასევე გაეცნენ ავტომატური შაშხანა „აკ-74“-ის ტაქტიკურ-ტექნიკურ მახასიათებლებს. ღამის განმავლობაში მორაგბეებისთვის მოულოდნელად ეწყობოდა განგაშით ადგომა და აღჭურვილობით მოწყობა.

„ამ სახის წვრთნა გაძლევს იმის კარგად გააზრების შანს, რომ დაღლილობის ზღვარი არ არსებობს. ეს ორი რამ ჩვენთვის არის სასიცოცხლოდ მნიშვნელოვანი რაგბის მოედანზე და განსაკუთრების იმ მსოფლიო ჩემპიონატისთვის, სადაც ჩვენ მივემგზავრებით“ — განაცხადა 20 წლამდე ნაკრების მწვრთნელმა ლადო კილასონიამ.

 მენტალური კურსი ახალგაზრდა მორაგბეებისთვის შეიარაღებულ ძალებში უკვე მეორედ გაიმართა. ღონისძიება საქართველოს რაგბის კავშირის ინიციატივითა და საქართველოს თავდაცვის სამინისტროს მხარდაჭერით ჩატარდა.


ყველა ახალი ამბავი
0