თბილისი, 19 ოქტომბერი — Sputnik. საქართველოს მოსახლეობის დაახლოებით მესამედი მომხრეა, რომ ქვეყანა ევრაზიულ კავშირში გაწევრიანდეს. ასეთი შედეგი აჩვენა აშშ-ის ეროვნული დემოკრატიული ინსტიტუტის (NDI) მიერ ჩატარებულმა გამოკითხვამ.
კვლევის მეორე ნაწილის — „საზოგადოებრივი განწყობა საქართველოში“ — შედეგები შაბათს, 17 ოქტომბერს წარმოადგინა NDI-ის ოფისის დირექტორმა საქართველოში ლორა ტორნტონმა (Laura Thornton).
კერძოდ, ევრაზიის ეკონომიკურ კავშირში შესვლას საქართველოში გამოკითხულთა 31% ემხრობა, ხოლო რესპონდენტთა 46% მხარს არ უჭერს ამ იდეას. 22%-მა არ იცოდა, რა ეპასუხა, ხოლო 1%-მა უარი თქვა პასუხზე.
სოციოლოგიური კვლევა „საზოგადებრივი აზრი საქართველოში“ 8 აგვისტოდან 10 სექტემბრამდე პერიოდში ჩატარდა. წარმომადგენლობითი შერჩევის საფუძველზე, პირდაპირი ინტერვიურების გზით გამოიკითხა დაახლოებით 4 ათას 448 ადამიანი. ცდომილება შეადგენს 3,01%-ს.
NDI-ს კვლევებს შვედეთის საერთაშორისო განვითარებისა და თანამშრომლობის სააგენტო(SIDA) აფინანსებს, გამოკითხვებს კავკასიის კვლევათა რესურსების ცენტრი (CRRC) ატარებს.
