თბილისი, 6 ოქტომბერი —Sputnik. ხელისუფლების „გაზპრომთან“ მოლაპარაკების საწინააღმდეგო პლაკატების გაკვრის გამო 16 ოქტომბერს დაკავებულთა სასამართლო ხვალ 17 ოქტომბერს შედგება, იტყობინება ქართული მედია.
16 ოქტომბერს ტელეკომპანია და ჟურნალ „ტაბულას“ დირექტორი თამარ ჩერგოლეიშვილი, ტელეარხის გენერალური პროდიუსერი ლექსო მაჭავარიანი და სტუდენტი სალომე ხვადაგიანი იმ დროს დააკავეს, როდესაც თბილისის ზაქარია ფალიაშვილის სახელობის ოპერისა დ ბალეტის სახელმწიფო აკადემიური თეატრის შენობასთან პლაკატებს აკრავდნენ. ადმინისტრაციულ სამართალდარღვევათა კოდექსის მიხედვით, მათ ბრალად ედებათ „თვითმმართველი ერთეულის გარეგნული იერსახის დამახინჯება“
ამ დროისათვის ბრალდებულები განთავისუფლები არიან.
ოპოზიციის კრიტიკა ენერგეტიკის მინისტრის კახა კალაძის 9 ოქტომბერს გაკეთებულ განცხადებას მოჰყვა, იმის თაობაზე, რომ ქართული მხარე ფიქრობს ენერგეტიკული წყაროების დივერსიფიკაციას და ამასთან დაკავშირებით მოლაპარაკებებს აწარმოებს სხვადასხვა ქვეყნის კომპანიებთან, მათ შორის რუსეთთან.
საქართველოს ხელისუფლების მიერ „გაზპრომთან“ გამართულ მოლაპარაკებებთან დაკავშირებით, „ტაბულას“ წარმომადგენლებმა 17 ოქტომბრისათვის საპროტესტო აქცია დაგეგმეს ლოზუნგით — „გაზპრომი — თავისუფლების გაზის კამერა“.
