თბილისი, 16 ოქტომბერი — Sputnik. საქართველოს ხელისუფლების „გაზპრომთან“ მოლაპარაკების საწინააღმდეგო პლაკატების გაკვრის გამო დაკავებულია ტელეკომპანია და ჟურნალ „ტაბულას“ დირექტორი თამარ ჩერგოლეიშვილი, — იუწყება ქართული მედია.
საქართველოს ენერგოუსაფრთხოების საკითხი მას შემდეგ წამოიჭრა, რაც საქართველოს ენერგეტიკის მინისტრმა კახა კალაძემ 9 ოქტომბერს განაცხადა, რომ ხელისუფლება ენერგეტიკული წყაროების დივერსიფიკაციის თაობაზე სხვა ქვეყნების გაზის კომპანიებთან, მათ შორის, რუსულ კომპანიებთან მოლაპარაკებებს აწარმოებს. ამასთან დაკავშირებით „ტაბულამ“ 17 ოქტომბერს საპროტესტო აქცია დაგეგმა ლოზუნგით „გაზპრომი“ — თავისუფლების გაზის კამერა“.
თამარ ჩერგოლეიშვილი და კიდევ ორი მოქალაქე იმ დროს დააკავეს, როდესაც თბილისის ზაქარია ფალიაშვილის სახელობის ოპერისა დ ბალეტის სახელმწიფო აკადემიური თეატრის შენობასთან პლაკატებს აკრავდნენ. ადმინისტრაციულ სამართალდარღვევათა კოდექსის მიხედვით, მათ ბრალად ედებათ „თვითმმართველი ერთეულის გარეგნული იერსახის დამახინჯება“.
