თბილისი, 16 ოქტომბერი — Sputnik. გადაწყვეტილება ამის თაობაზე დსთ-ს წევრ სახელმწიფოთა მეთაურების საბჭოზე მიიღეს, რომელიც ყაზახეთის ეროვნულ ბუნებრივ პარკში, ბურაბაიში გაიმართა. სამიტზე ასევე მოისმინეს სახელმწიფოთა მეთაურების განცხადებები გაეროს 70 წლისთავთან დაკავშირებით და მიიღეს საერთაშორისო ტერორიზმთან ბრძოლის თაობაზე განცხადება.
დსთ-ს წევრ სახელმწიფოთა ლიდერების მორიგი სამიტი 2016 წლის სექტემბერში გაიმართება, — განაცხადა დსთ-ის აღმასრულებელი კომიტეტის თავმჯდომარემ სერგეი ლებედევმა.
„ყირგიზეთის პრეზიდენტის წინადადებით გადაწყდა, რომ სახელმწიფოთა მეთაურების საბჭოს სხდომა 2016 წლის 16 სექტემბერს ყირგიზეთში გაიმართება“, — განაცხადა ლებედევმა.
მანვე აღნიშნა, რომ ვიწრო ფორმატის სხდომაზე სახელმწიფოთა მეთაურებმა გულწრფელად ისაუბრეს თანამეგობრობის აქტუალურ პრობლემებზე და ასევე განსაზღვრეს სხდომის დღის წესრიგი და რეგლამენტი.
