თბილისი, 13 ოქტომბერი — Sputnik. ქართულ-ოსური ურთიერთობები განიხილეს საერთაშორისო სამეცნიერო კონფერენციაზე, რომელიც თბილისის ივანე ჯავახიშვილის სახელობის უნივერსიტეტის ბაზაზე შექმნილი ახალი სამეცნიერო-კვლევითი ცენტრის მიერ იყო ორგანიზებული, იტყობინება ქართული მედია სამშაბათს, 13 ოქტომბერს.
კონფერენციის „ქართულ-ოსური ურთიერთობების განვითარების პერსპექტივები თანამედროვე ჭრილში“ მთავარი მიზანია — ხელი შეუწყოს ქართულ-ოსური ურთიერთობების ახალ ეტაპზე გადასვლას, ასევე საერთო ინტერდისციპლინარული კვლევების ჩატარებას.
„ეს ცენტრი ძალიან მნიშვნელოვანი ფორმატია ოს თანამემამულეებთან ურთიერთობისათვის“, — თქვა პრეზიდენტის მრჩეველმა ეთნიკური უმცირესობების საკითხებში სოფია შამანიდიმ.
კონფერენციის მუშაობაში მონაწილეობა მიიღეს სახელმწიფო მინისტრმა პაატა ზაქარეიშვილმა, მეცნიერებმა, ახალგაზრდა მკვლევარებმა, სამთავრობო, არასამთავრობო და საერთაშორისო ორგანიზაციების წარმომადგენლებმა და ექსპერტებმა.
ქართულ-ოსური ურთიერთობების სამეცნიერო-კვლევითი ცენტრი თბილისის ივანე ჯავახიშვილის სახელობის უნივერსიტეტში საქართველოს პრეზიდენტის სარეზერვო ფონდის დაფინანსებით შეიქმნა.
