დეპუტატი: საკონსტიტუციო სასამართლოს გადაწყვეტილება პოლიტიკურად ანგაჟირებულია

© photo: press-service of Parlament of Georgiaსაქართველოს პარლამენტი
საქართველოს პარლამენტი - Sputnik საქართველო
გამოწერა
საქართველოს პრემიერ–მინისტრმა ირაკლი ღარიბაშვილმა საბანკო მეთვალყურეობის შესახებ ცვლილებების მოწინააღმდეგეთა კრიტიკისას განაცხადა, რომ კანონპროექტზე „ხელოვნური აჟიოტაჟი“ „ინვესტორების შეშინების“ მიზნით „უპასუხისმგებლო“ კრიტიკოსებმა ატეხეს.

თბილისი, 13 ოქტომბერი — Sputnik. საკონსტიტუციო სასამართლოს გადაწყვეტილება ფინანსური ზედამხედველობის სააგენტოს ფუნქციონირების შეჩერების შესახებ პოლიტიკურად ანგაჟირებულია, განაცხადა მმართველი კოალიცია „ქართული ცონების“ დეპუტატმა გია ვოლსკიმ. 

 საქართველოს საკონსტიტუციო სასამართლომ ორშაბათს, 12 ოქტომბერს, საპარლამენტო ოპოზიციური პარტიების სარჩელის საფუძველზე, საბოლოო გადაწყვეტილების მიღებამდე შეაჩერა საკანონმდებლო ნორმები, რომელთა თანახმადაც უნდა ამუშავებულიყო საფინანსო ზედამხედველობის სამსახური. 

თბილისი - Sputnik საქართველო
„ნაცმოძრაობა“ ხელისუფლებას მოუწოდებს, უარი თქვას ივანიშვილის კაპრიზზე

 „საკონსტიტუციო სასამართლომ პოლიტიკურად ანგაჟირებული გადაწყვეტილება მიიღო, რადგან კონსტიტუციურ დარღვევებთან დაკავშირებით არ გაუკეთებია განცხადება არც ერთ იურისტს, არც საერთაშორისო ორგანიზაციებს, რომლებიც ღრმად ერკვევიან ამ საკითხებში“, — განუცხადა საპარლამენტო უმრავლესობის ლიდერმა გია ვოლსკიმ ჟურნალისტებს სამშაბათს, 13 ოქტომბერს. 

 საპარლამენტო ოპოზიციური პარტიების — „ერთიანი ნაციონალური მოძრაობისა“ და „თავისუფალი დემოკრატების“ დეპუტატებმა 22 სექტემბერს საკონსტიტუციო სასამართლოში საქართველოს პარლამენტის წინააღმდეგ ერთობლივი სარჩელი შეიტანეს. ოპოზიციონერები ირწმუნებიან, რომ საზედამხედველო სამსახურის ეროვნული ბანკის სტრუქტურიდან გამოყოფა ნაკარნახევია არა ეკონომიკური, არამედ პოლიტიკური მოტივებით. 

ეროვნული ბანკის სათაო ოფისი - Sputnik საქართველო
ეროვნული ბანკი ფინანსური მეთვალყურეობის სააგენტოს ფუნქციებს შეასრულებს

  პარლამენტის მიერ მიღებული შესწორებების თანახმად, ფინანსური ზედამხედველობის სააგენტო დაკავდება კომერციული ბანკებისა და სხვა საფინანსო ორგანიზაციებისათვის ლიცენზირების, შემოწმების, რეგულირების, შეზღუდვებისა და სანქციების დაწესებით. 

 საქართველოს პრეზიდენტი გიორგი მარგველაშვილი ფინანსური მეთვალყურეობის ფუნქციების ეროვნული ბანკის დაქვემდებარებაშ დატოვებასა და მისი დამოუკიდებლობის გაძლიერებას მოითხოვდა, თუმცა, პარლამენტმა პრეზიდენტის რეკომენდაციები არ გაითვალისწინა და 2015 წლის 11 სექტემბერს „საქართველოს ეროვნული ბანკის შესახებ“ კანონში შეტანილი ცვლილებები ამოქმედდა.

 საქართველოს პრემიერ–მინისტრმა ირაკლი ღარიბაშვილმა საბანკო მეთვალყურეობის შესახებ ცვლილებების მოწინააღმდეგეთა კრიტიკისას განაცხადა, რომ კანონპროექტზე „ხელოვნური აჟიოტაჟი“ „ინვესტორების შეშინების“ მიზნით „უპასუხისმგებლო“ კრიტიკოსებმა ატეხეს.

 

 

ყველა ახალი ამბავი
0