თბილისი, 5 ოქტომბერი — Sputnik. ტელეარხ „რუსთავი 2" – ის მხარდამჭერი აქციის მონაწილეებს, რომლებიც დეპუტატ დავით ლორთქიფანიძესთან ჩხუბის გამო დააკავეს, ქუთაისის საქალაქო სასამართლოს გადაწყვეტილებით, წინასწარი პატიმრობა შეეფარდათ.
ხულიგნობის მუხლით დაკავებულები არიან: ნიკა ნარსია, მირიან დეისაძე და კახა გაბუნია. მათ 2 ოქტომბერს, პარლამენტის შენობის წინ, ფიზიკური და სიტყვიერი შეურაცხყოფა მიაყენეს მმართველი კოალიცია „ქართული ოცნების“ დეპუტატ დავით ლორთქიფანიძეს.
დაკავებულების ადვოკატი გიორგი ონიანი კატეგორიულად არ ეთანხმება ქუთაისის სასამართლოს გადაწყვეტილებას.
„მოსამართლეს არავითარი საფუძველი არ ჰქონდა სამივე პირის დასაკავებლად“, — განუცხადა მან ჟურნალისტებს.
