საქართველოს რაგბის ნაკრებმა მსოფლიო ჩემპიონებთან მატჩი წააგო

© facebook.com/OfficialGeorgiaRugbyრაგბი, მსოფლიო თასი, საქართველო-ახალი ზელანდია
რაგბი, მსოფლიო თასი, საქართველო-ახალი ზელანდია - Sputnik საქართველო
გამოწერა
Yandex newsTelegram
აღსანიშნავია, რომ ქართულმა გუნდმა ღირსეული მეტოქეობა გაუწია ძლიერ მოწინააღმდეგეს.

თბილისი, 2 ოქტომბერი — Sputnik. ახალი ზელანდიის რაგბის  ნაკრებმა მსოფლიო თასის მატჩში ქართულ გუნდს 43:10 მოუგო, იტყობინება Rugger.

 თამაშის პირველივე წუთზე ვაისაკე ნახოლომ მარტომ გაიარა ბორჯღალოსანთა მთელი დაცვა და მცდელობით გახსნა ანგარიში 5:0. შემდეგ იყო კარტერის რეალიზაცია 7:0 და ცოტა ხანში ქართველთა ნაკრებმა ანგარიშის გათანაბრება შეძლო. ზელანდიელებმა თავის მოედანზე დაკარგეს ბურთი, რითაც ისარგებლა ბექა წიკლაურმა და ახალზელანდიელთა დაცვას თავი დააღწია. ანგარიში 7:5, ზუსტი კონვერტაციით კი 7:7 გახდა. 

საქართველოს ნაკრები რაგბიში - Sputnik საქართველო
ახალ ზელანდიასთან მატჩის წინ საქართველოს რაგბის ნაკრებში ცვლილებებია

 მაგრამ შემდგომში პლანეტის უძლიერეს რაგბისტებს, მსგავსი შეცდომა არ დაუშვიათ. თამაშის დარჩენილ დროში ახალი ზელანდია დამაჯერებლად ფლობდა ბურთს და შეხვედრის განმავლობაში კიდევ 6 მცდელობის და სამი რეალიზაციის ორგანიზება მოახარხეს. ხეტ-ტრიკი ჯულიან სავეას აქტივშია. ბორჯღალოსნებმა მხოლოდ ერთხელ მოახერხეს ლაშა მალაღურაძის ზუსტი გასროლით ეპასუხათ. 

 შედეგად,  43:10 — ახალ ზელანდიელთა დამაჯერებელი გამარჯვება, თუმცა აღსანიშნავია, რომ ქართულმა გუნდმა ღირსეული მეტოქეობა გაუწია ძლიერ მოწინააღმდეგეს. უფრო მეტიც, მსოფლიოს მოქმედი ჩემპიონებმა, ისევე როგორც არგენტინასთან თამაშისას, მრავალჯერ დაკარგეს ბურთი. 

 ახალი ზელანდია (22) 43:10 (10) საქართველო 

 მცდელობა: ნახოლო (1), სავეა (7, 16, 73), კოლუს (21), რიდი (51), ფეკიტოა (76) — წიკლაური (4);

 რეალიზაცია:კარტერი (2, 52, 74, 77) — მალაღურაძე (5);

 საჯარიმო: არა — მალაღურაძე (11).

 მანამდე "С" ჯგუფში ხუთი მატჩი გათამაშდა. ახალმა ზელანდიამ არგენტინას (26:16) და ნამიბიას (58:14) მოუგო. საქართველოს ნაკრებმა ტონგას 17:10 მოუგო და არგენტინასთან 9:54 წააგო. ტონგა-ნამიბიას თამაში 35:21 დასრულდა.


ყველა ახალი ამბავი
0