თბილისი, 29 სექტემბერი – Sputnik. საქართველოში 31 აგვისტოს მონაცემებით, 1141 სასოფლო გაერთიანებას კოოპერატივის სტატუსი მიენიჭა. ამის შესახებ საქართველოს პარლამენტში წარდგენილ „ძლიერი, დემოკრატიული, ერთიანი საქართველოსთვის" სამთავრობო პროგრამის მიმდინარეობის შესახებ ანგარიშშია ნათქვამი.
2014–2015 წლებში განხორციელდა სასოფლო-სამეურნეო კოოპერატივების მცირე გაბარიტიანი აგრო-ტექნიქით აღჭურვის პროგრამა, რომლის ფარგლებშიც 544 კოოპერატივი დაკმაყოფილდა 1406 აგროკომპლექტითა და დამატებით 217 ხელით სათესით.
„თხილის წარმოების განვითარება სასოფლო-სამეურნეო კოოპერაციის ხელშეწყობის გზით“ სახელმწიფო პროგრამის ფარგლებში განხორციელდა ზუგდიდის მუნიციპალიტეტის სოფელ დარჩელში თხილის საშრობის და სასაწყობო მეურნეობის მშენებლობა და შესაბამისი ტექნიკა- 50 დანადგარებით აღჭურვა.
„აღნიშნული ინფრასტრუქტურა 5 წლის ვადით სარგებლობაში გადაეცემა იმ სასოფლო-სამეურნეო კოოპერატივს, რომელიც დააკმაყოფილებს დადგენილ პირობებს“, – ნათქვამია მთავრობის ანგარიშში.
სასოფლი–სამეურნეო კოოპერატივების განვითარების სააგენტომ 2014 წლის 27 იანვრიდან დაიწყო სასოფლო გაერთიანებებისთვის კოოპერატივის სტატუსის მინიჭების პროცედურა. მთიან რაიონებში კოოპერატივის შესაქმნელად სამი ფერმაა საჭირო, ხოლო ბარში – ხუთი.
კანონმდებლობის შესაბამისად, სასოფლო–სამეურბეო კოოპერატივის სტატუსის მქონე იურიდიულ პირები ისარგებლებენ საგადასახადო და სხვა სახის შერავათებით, მათ შორის სახელმწიფო პროგრამებთ.
