თბილისი, 25 სექტემბერი — Sputnik. პარასკევს ფიფას შტაბ-ბინაში და მისი ხელმძღვანელის იოზეფ ბლატერის კაბინეტში ჩხრეკა ჩატარდა, ამის შესახებ სააგენტო "რეიტერი" შვეიცარიის გენერალურ პროკურორზე დაყრდნობით იტყობინება.
აღნიშნულია, რომ ჩხრეკის დროს ამოღებული იქნა მონაცემები.
პარასკევს ცნობილი გახდა, რომ შვეიცარიის ხელისუფლებამ ბლატერის წინააღმდეგ საქმე აღძრა სამსახურებრივი გულგრილობისა და ფულადი სახსრების მითვისების ბრალდებით. ბლატერს ასევე კარიბის საფეხბურთო კავშირთან ფიფასათვის არახელსაყრელი პირობებით კონტრაქტის გაფორმება ედება ბრალად.
