თბილისი, 23 სექტემბერი — Sputnik. საქართველოში ყველა ტიპის საწვავზე ფასები ამ დღეებში საშუალოდ 5 თეთრით (2,1 ცენტით) შემცირდა, იტყობინება საქართველოს ნავთობპროდუქტების იმპორტიორთა კავშირი.
დღეისათვის, ბრენდირებულ გასამართ სადგურებზე 1 ლიტრი საწვავის საშუალო ფასები შეადგენს: სუპერი ტიპის ბენზინი — 2,07-2,10 ლარი; პრემიუმი ტიპის ბენზინი — 1,99-2,10 ლარი; რეგულარის ტიპის ბენზინი — 1,83-1,99 ლარი; დიზელი ლ-62 —1,77-1,86 ლარი; ევრო დიზელი — 1,92-2,05 ლარი. ხოლო არაბრენდირებულ ავტოგასამართ სადგურებზე საწვავის ფასი 15-20 თეთრით ნაკლებია ლიტრაზე, —იტყობინება ნავთობპროდუქტების იმპორტიორტა კავშირი.
საწვავზე ფასი საქართველოს საცალო ქსელში ასევე 5 თეთრით შემცირდა აგვისტოშიც.
„საწვავის საცალო ფასი საქართველოში ორ ფაქტორზეა დამოკიდებული: ნავთობპროდუქტების საერთაშორისო ფასი Platt's-ის შესაბამისად და ლარის გაცვლითი კურსი დოლართან მიმართებაში. ბოლო დროს ლარის მკვეთრი ვარდნა პირდაპირ ზემოქმედებას ახდენს საწვავის ფასზე. აქედან გამომდინარე არ მოხდა საწვავზე ფასების უფრო მეტად დაწევა“, — იტყობინება კავშირი.