მამუკა გორგოძე: ტონგასთან თამაში ერთ-ერთი საუკეთესოა ჩემს კარიერაში

თბილისი, 20 სექტემბერი — Sputnik. საქართველოს რაგბის ნაკრების კაპიტანი მამუკა გორგოძე ტონგასთან მატჩის დასრულების შემდეგ ძალიან ემოციური იყო:

 „ეს თამაში ერთ-ერთი საუკეთესოა ჩემს კარიერაში. გუნდმა მთელი 200 პროცენტით დადო თავი ჩვენი ქვეყნისა და ჩვენი ხალხისათვის. ეს დიდი სენსაციაა, რადგან ჩვენ ტონგას მოვუგეთ, ის კი ძალიან ძლიერი გუნდია“, — თქვა რაგბისტმა.

 დიდ ბრიტანეთში, საქართველოს რაგბის ეროვნულმა ნაკრებმა, თავის პირველ თამაშში მსოფლიო ჩემპიონატზე, ტონგას გუნდს 17:10 (10:3)მოუგო. შეხვედრის საუკეთესო მოთამაშედ მამუკა გორგოძე დაასახელეს. 

 „ჩვენ პატარა ქვეყანა ვართ, მაგრამ დიდი გული გვაქვს. მე მადლობელი ვარ ჩვენი გულშემატკივრების, ყველა იმ ადამიანის ვინც ჩვენს მხარდასაჭერად ინგლისში ჩამოვიდა“ — აღნიშნა გორგოძემ