თბილისი, 16 სექტემბერი — Sputnik. რუსთავის N17 საპყრობილეში ერთ-ერთი მსჯავრდებული ახალი ანტინარკოტიკული კანონმდებლობის გადახედვის მოთხოვნით, კვალვ განაგრძობს შიმშილობას, იტყობინება ქართული მედია.
აგვისტოში, იმავე ციხეში 12 მსჯავრდებული შიმშილობდა, მათ შორის ერთმა პროტესტის ნიშნად პირიც კი ამოიკერა.
პატიმრები, უკმაყოფილებას გამოთქვამდნენ სისხლის სამართლის კოდექსში შეტანილი ცვლილებების გამო. საქართველოს სისხლის სამართლის კოდექსის 260–ე მუხლის ახალი რედაქციის თანახმად, გაიყო ნარკოტიკული ნივთიერებების რეალიზაციისა და შენახვის ცნება და შემცირდა სასჯელის ვადა ნარკოტიკების შენახვაზე, ხოლო რეალიზაციისათვის სასჯელის ვადა უცვლელი — 6–დან 11 წლამდე დარჩა.
რა მიზეზით შეწყვიტა დანარჩენმა 11 პატიმარმა შიმშილობა მედიისათვის უცნობია.
