თბილისის მერიის თასი კალათბურთში იტალიელებმა მოიპოვეს

საერთაშორისო ტურნირის თბილისის მერიის თასის ფინალურ მატჩში იტალიის ნაკრებმა საქართველოს ნაკრები 87:67 ანგარიშით დაამარცხა და შეჯიბრის მთავარი პრიზი მოიპოვა.

ტურნირი თბილისის სპორტის სასახლეში ბოლო სამი დღის განმავლობაში მიმდინარეობდა,

შეჯიბრში მონაწილეობა მიიღეს საქართველოს, ესტონეთის, ლატვიისა და იტალიის ნაკრებებმა.

საქართველოს ნაკრებმა ყველა მატჩზე კარგი მომზადება უჩვენა და თავდაჯერებულად გაიმარჯვა ესტონეთისა და ლატვიის ნაკრებებთან შეხვედრებში.

თუმცა იტალიის ნაკრებთან თამაშში ქართველმა კალათბურთელებმა ვერ შეძლეს საჭირო წინააღმდეგობის გაწევა.

„როცა მოწინააღმდეგე ასეთ დონეზე თამაშობს, მისთვის წინააღმდეგობის გაწევა და საკუთარ თავზე გადახტომა ძნელია. თუ ევროკალათბურთზე იტალიელები ასეთივე სტილში ითამაშებენ, ისინი აუცილებლად ევროპის ჩემპიონატის ერთ-ერთი ფავორიტები იქნებიან“, — განაცხადა მატჩის შემდეგ საქართველოს ნაკრების ერთ-ერთმა ლიდერმა ვიქტორ სანიკიძემ.

პირველი მეოთხედის შუაში იყო მომენტი, როდესაც საქართველოს ნაკრები ანგარიშით 17:11 იგებდა. მაგრამ ამის მერე იტალიელებმა ინიციატივა მატჩის ბოლომდე საკუთარ ხელში აიღეს და ოთხივე მეოთხედი მოიგეს (25:22, 27:18, 19:16, 16:11).

გამარჯვებულთა შემადგენლობაში ყველაზე შედეგიანი ალესანდრო ჯენტილი — 20 ქულა და დანილო გალინარი — 17 ქულა — აღმოჩნდნენ.

საქართველოს ნაკრების შემადგენლობაში კი ყველაზე მეტი შედეგი — 21 ქულა და 11 მოხსნა თავის გუნდს კაპიტანმა ზაზა ფაჩულიამ მოუტანა.