თბილისი, 20 მაისი – Sputnik. აზერბაიჯანის პრეზიდენტი ილჰამ ალიევი ვერ მიიღებს მონაწილეობას პროექტ „აღმოსავლეთ პარტნიორობის“ სამიტში, იუწყება ოთხშაბათს სააგენტო Новости-Азербайджан.
ევროკავშირის „აღმოსავლეთ პარტნიორობის“ პროგრამის მონაწილე ქვეყნების სამიტი რიგაში 21–22 მაისს გაიმართება.
პრეზიდენტის თანაშემწე საზოგადოებრივ–პოლიტიკურ საკითხებში ალი ჰასანოვი აცხადებს, რომ აზერბაიჯანში პირველი ევროპული თამაშების დაწყებისა და ასევე პრეზიდენტ ალიევის მჭიდრო გრაფიკის გამო, სახელმწიფოს მეთაური ვერ მოახერხებს სამიტში მონაწილეობის მიღებას.
ევროპული თამაშები, რომელიც 2015 წლის 12–28 ივნისს გაიმართება ბაქოში, პირველია ევროპის კონტინენტის ისტორიაში.
