თბილისი, 17 აპრ. პოლიციამ 1987 წელს დაბადებული, წარსულში ნასამართლევი რანთიგ ა. დააკავა, რომელსაც ბრალად ედება განზრახ მკვლელობა, იუწყება შინაგან საქმეთა სამინისტროს პრეს-სამსახური ხუთშაბათს, 16 აპრილს.
რანთიგ ა. ოპერატიულ-საგამოძიებო ღონისძიებების შედეგად ცხელ კვალზე, შემთხვევიდან 2 საათის შემდეგ დააკავეს ლაგოდეხის რაიონის სოფელ ფონაში.
„გამოძიებამ დაადგინა, რომ ბრალდებულმა ლაგოდეხის რაიონის სოფელ კაბალში ურთიერთშელაპარაკებისას 1994 წელს დაბადებულ ჯოშგუნ ა-ს ცივი იარაღით სხეულზე მრავლობითი ჭრილობები მიაყენა და შემთხვევის ადგილიდან მიიმალა. ჯოშგუნ ა. მიყენებული ჭრილობების შედეგად ადგილზე გარდაიცვალა“, – ნათქვამია ცნობაში.
გამოძიება მიმდინარეობს საქართველოს სსკ-ის 108-ე მუხლით (განზრახ მკვლელობა).
