შემთხვევა გვირაბში: ავტობუსის მძღოლმა 25 ბავშვი დაწვას გადაარჩინა – ვიდეო
16:22 13.07.2021 (განახლებულია: 15:43 20.07.2023)
© photo: press-service of the Emergency Management Service of Georgiaხანძარი
© photo: press-service of the Emergency Management Service of Georgia
გამოწერა
იმ ავტობუსის მძღოლი, რომელსაც მოულოდნელად ცეცხლი გაუჩნდა, არ დაიბნა და ყველა ბავშვის გაყვანა შეძლო უსაფრთხო ადგილზე.
თბილისი, 13 ივლისი — Sputnik. ავტობუსს, რომელსაც ბავშვები მიჰყავდა საზაფხულო ბანაკში, გვირაბში გასვლისას ცეცხლი გაუჩნდა, თუმცა მძღოლმა ყველა მგზავრის გადარჩენა შეძლო, იუწყება გაზეთი Corriere della Sera სახანძრო სამსახურის განცხადებაზე დაყრდნობით.
გავრცელებული ინფორმაციით, შემთხვევა იტალიის პროვინცია ლეკოში მოხდა, კომოს ტბის მახლობლად.
სახანძრო სამსახურის ცნობით, ავტობუსის მძღოლმა მოასწრო და სანამ ავტობუსს ცეცხლი მთლიანად მოედებოდა, სალონიდან 25-ვე ბავშვი ჩამოსვა და სამშვიდობოს გაიყვანა. არცერთი მათგანი არ დაშავებულა. სამედიცინო დახმარება მხოლოდ სამი ავტომობილის მძღოლს დასჭირდა, რომლებიც ავტობუსს უკან მიჰყვებოდნენ. ისინი წვის პროდუქტებით მსუბუქად მოიწამლნენ.
წინასწარი ინფორმაციით, აალება საბურავის გახეთქვამ გამოიწვია.
#Lecco, intervento dei #vigilidelfuoco dalle 10 di stamattina sulla SS 36 per l’#incendio di un pullman mentre era in transito in una galleria, all’altezza di Lierna. Illesi i passeggeri a bordo, squadre al lavoro per mettere in sicurezza la sede stradale [11:30 #13luglio] pic.twitter.com/kTkXcuDefq
— Vigili del Fuoco (@emergenzavvf) July 13, 2021
ცეცხლის ჩაქრობაზე გვირაბში ხუთი სახანძრო ბრიგადა მუშაობდა. შემთხვევის ადგილზე გადაღებულ ფოტოებზე ჩანს, რომ ავტობუსისგან მხოლოდ ლითონის ჩონჩხიღაა დარჩენილი, მის გარშემო კი ასფალტი სახანძრო ქაფის სქელი ფენითაა დაფარული.