10:42 25 ივლისი 2021
პირდაპირი ეთერი
  • EUR3.6481
  • 100 RUB4.2138
  • USD3.1000
მსოფლიოში
მოკლე ბმულის მიღება
საერთაშორისო პანორამა (571)
78 0 0

იმ შემთხვევაში, თუ მედიცინის მუშაკი კორონავირუსზე არ აიცრება, 15 სექტემბრიდან მუშაობასა და ხელფასის მიღებას ვეღარ შეძლებს.

თბილისი, 13 ივლისი — Sputnik. საფრანგეთის ხელისუფლებამ მიიღო გადაწყვეტილება, რომ კორონავირუსზე სამედიცინო პერსონალის ვაქცინაცია სავალდებულო გახდეს.

როგორც საფრანგეთის ჯანდაცვის მინისტრმა ოლივიე ვერანმა განაცხადა ტელეარხ LCI-ს ეთერში, მედიცინის ის მუშაკები, რომლებიც არ აიცრებიან, მუშაობის გაგრძელებას ვეღარ შეძლებენ.

„თუ მედმუშაკი ბრძანდებით და 15 სექტემბრისთვის ვაქცინაცია გავლილი არ გექნებათ, მაშინ თქვენ ვეღარ შეძლებთ მუშაობას და არც ხელფასს მიიღებთ“, — აღნიშნა მინისტრმა.

ვერანის გამოსვლამდე პრეზიდენტმა ემანუელ მაკრონმა სატელევიზიო გამოსვლისას განმარტა, რომ კორონავირუსზე ვაქცინაცია სავალდებულო ხდება „საავადმყოფოებში, კლინიკებში, მოხუცთა სახლებში, შეზღუდული შესაძლებლობების მქონე პირთათვის განკუთვნილ დაწესებულებებში დასაქმებული მედპერსონალისთვის, ყველა სპეციალისტისა და ვოლონტიორისთვის, რომლებიც მოწყვლად ადამიანებთან არიან კონტაქტში, მათ შორის სახლშიც“.

ამასთან საფრანგეთის ლიდერმა აღნიშნა, რომ „აუცილებელი იქნება ასევე დადგეს საკითხი ყველა ფრანგის სავალდებულო ვაქცინაციის თაობაზე“. მისი თქმით, სწორედ ვაქცინაციაა ერთადერთი გზა ნორმალურ ცხოვრებაში დასაბრუნებლად.

მანამდე გაზეთი The Times წერდა, რომ კორონავირუსის საწინააღმდეგო ვაქცინაცია საფრანგეთში შესაძლოა მთელი ზრდასრული მოსახლეობისთვის გახდეს სავალდებულო. ქვეყნის პარლამენტს შესაბამისი კანონის პერსპექტივების განხილვის თხოვნით პრემიერ-მინისტრმა ჟან კასტეკსმა მიმართა.

თემები:
საერთაშორისო პანორამა (571)

მთავარი თემები