05:01 24 ივლისი 2021
პირდაპირი ეთერი
  • EUR3.6481
  • 100 RUB4.2138
  • USD3.1000
მსოფლიოში
მოკლე ბმულის მიღება
COVID-19-ის პანდემია მსოფლიოში (1346)
56 0 0

ამერიკულმა რეგულატორებმა ადრე განაცხადეს, რომ სრულად (ორჯერადად) ვაქცინირებული პირებისთვის კორონავირუსის საწინააღმდეგო დამატებითი აცრების საჭიროებას ვერ ხედავენ.

თბილისი, 11 ივლისი – Sputnik. კორონავირუსის წინააღმდეგ ვაქცინის მესამე დოზა აუცილებელია, განაცხადეს კომპანიებმა Pfizer და BioNTech.

Washington Post-ის ინფორმაციით, ვაქცინის მწარმოებლები უახლოეს დღეებში აპირებენ მიაწოდონ აშშ-ის ხელისუფლებას ინფორმაცია COVID-19-ის წინააღმდეგ თავიანთი პრეპარატის ბუსტერული დოზის საჭიროების შესახებ.

ადრე კომპანიაში განაცხადეს, რომ უახლოეს მომავალში აშშ-ის და ევროკავშირის რეგულატორებს მიაწვდიან მონაცემებს პრეპარატის ბუსტერული დოზის შესახებ. მაშინ ამერიკის სამედიცინო რეგულატორებში განაცხადეს, რომ ჯერჯერობით ვერ ხედავენ დამატებითი დოზების საჭიროებას სრულად ვაქცინირებული ამერიკელებისთვის.

ფარმაცევტულ კომპანიებთან შეხვედრა შესაძლოა ორშაბათს გაიმართოს, სავარაუდოდ მას დაესწრებიან აშშ-ის მთავარი ინფექციონისტი ენტონი ფაუჩი, აშშ-ის ჯანმრთელობის ინსტიტუტის დირექტორი ფრენსის კოლინზი, საკვები პროდუქტების და მედიკამენტების ხარისხის სანიტარული ზედამხედველობის სამმართველოს უფროსის მოვალეობის შემსრულებელი ჯანეტ ვუდკოკი, COVID-თან ბრძოლის მთავარი მეცნიერ-მუშაკი დევიდ კესლერი, დაავადებათა კონტროლისა და პრევენციის ცენტრის დირექტორი როშელ ვალენსკი და მთავარი ქირურგი ვივეკ მურტი.

ადრე თეთრი სახლის კოორდინატორმა პანდემიაზე რეაგირების საკითხებში ჯეფრი ზინთსმა სატელევიზიო ინტერვიუში განაცხადა, რომ აშშ-ის ხელისუფლება მზადაა გამოიყენოს კორონავირუსის საწინააღმდეგო ვაქცინების ბუსტერული დოზები, თუ მეცნიერები შესაბამის რეკომენდაციებს გასცემენ.

თემები:
COVID-19-ის პანდემია მსოფლიოში (1346)

მთავარი თემები