https://sputnik-georgia.com/20210702/Statebi-CrdiloeT-koreasTan-Sesaxvedradmzadaa-252192570.html
ნებისმიერ დროსა და ადგილზე: აშშ ჩრდილოეთ კორეასთან შეხვედრისთვის მზადაა
ნებისმიერ დროსა და ადგილზე: აშშ ჩრდილოეთ კორეასთან შეხვედრისთვის მზადაა
Sputnik საქართველო
მანამდე თეთრ სახლში აცხადებდნენ, რომ შეერთებული შტატები უარს ამბობს ჩრდილოეთ კორეის მიმართ „სტრატეგიული თმენისა“ და ფხენიანთან „გრანდიოზული გარიგების“ იდეებზე. 02.07.2021-ს, Sputnik საქართველო
2021-07-02T12:30+0400
2021-07-02T12:30+0400
2023-07-20T15:42+0400
ახალი ამბები
მსოფლიოს ახალი ამბები
https://cdnn1.img.sputnik-georgia.com/img/07e4/0c/1d/250480474_0:160:3073:1888_1920x0_80_0_0_b92221adfe02327a953a8ca9dcdda544.jpg
თბილისი, 2 ივლისი — Sputnik. შეერთებული შტატები მზადაა ნებისმიერ დროს დაიწყოს მოლაპარაკებები ჩრდილოეთ კორეასთან, განაცხადა სახელმწიფო დეპარტამენტის პრეს-სამსახურის ხელმძღვანელმა ნედ პრაისმა ბრიფინგზე.მისი თქმით, ვაშინგტონი ფხენიანისგან კონსტრუქციულ პასუხს ელოდება.მიმდინარე წლის აპრილის ბოლოს თეთრი სახლის პრეს-მდივანმა ჯენ პსაკიმ განაცხადა, რომ შეერთებულმა შტატებმა ახალი მიდგომა შეიმუშავა ჩრდილოეთ კორეის მიმართ, თქვა რა უარი „სტრატეგიული თმენის“ და ფხენიანთან „გრანდიოზული გარიგების“ იდეებზე, რითიც ამერიკის წინა ხელისუფლება ოპერირებდა.მანამდე ჯო ბაიდენის ადმინისტრაციამ მიანიშნა, რომ კორეის ნახევარკუნძულის ბირთვული იარაღისგან გათავისუფლების მიზნით ჩრდილოეთ კორეასთან პირისპირ ორმხრივ დიალოგს არ გეგმავდა. თუმცა მაისის ბოლოს პრეზიდენტმა ჯო ბაიდენმა განაცხადა, რომ მზადაა პირადად შეხვდეს კიმ ჩენ ინს გარკვეული პირობებით, რომლებიც, უპირველეს ყოვლისა, ფხენიანის დენუკლეარიზაციის მიზნით მოლაპარაკებებს მოიაზრებს.აშშ-ის და ჩრდილოეთ კორეის ლიდერების დონალდ ტრამპისა და კიმ ჩენ ინის უპრეცედენტო შეხვედრა, რომლის მიზანიც დენუკლეარიზაციის პრობლემის გადაჭრა იყო, 2018 წლის ივნისში გაიმართა სინგაპურში. სამიტზე მიღებული დოკუმენტის თანახმად, ფხენიანმა დენუკლეარიზაციის ვალდებულება აიღო ვაშინგტონის მხრიდან უსაფრთხოების გარანტიების სანაცვლოდ.„გულდათუთქულები ვტირით“: ჩრდილოკორეელები კიმ ჩენ ინის სიგამხდრემ დაამწუხრა<<2019 წლის თებერვალში აშშ-ის და ჩრდილოეთ კორეის ლიდერები მეორედ შეხვდნენ ერთმანეთს ჰანოიში, მათ შორის პირისპირაც, თუმცა შეთანხმებას ვერ მიაღწიეს და ერთობლივ დოკუმენტზე ხელი არ მოუწერიათ.2019 წლის 30 ივნისს დონალდ ტრამპი და კიმ ჩენ ინი მესამედ შეხვდნენ ერთმანეთს სამხრეთ და ჩრდილოეთ კორეის რესპუბლიკების საზღვარზე, დემილიტარიზებულ ზონაში. თუმცა ეს შეხვედრაც, ისევე, როგორც იმავე წლის ოქტომბერში შვედეთში გამართული შეხვედრა ვაშინგტონისა და ფხენიანის წარმომადგენლებს შორის, უშედეგოდ დასრულდა.
https://sputnik-georgia.com/20210622/CrdioeT-korea-amerikasTan-molaparakebebs-ar-gegmavs-252090032.html
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, მსოფლიოს ახალი ამბები
ახალი ამბები, მსოფლიოს ახალი ამბები
ნებისმიერ დროსა და ადგილზე: აშშ ჩრდილოეთ კორეასთან შეხვედრისთვის მზადაა
12:30 02.07.2021 (განახლებულია: 15:42 20.07.2023) მანამდე თეთრ სახლში აცხადებდნენ, რომ შეერთებული შტატები უარს ამბობს ჩრდილოეთ კორეის მიმართ „სტრატეგიული თმენისა“ და ფხენიანთან „გრანდიოზული გარიგების“ იდეებზე.
თბილისი, 2 ივლისი — Sputnik. შეერთებული შტატები მზადაა ნებისმიერ დროს დაიწყოს მოლაპარაკებები ჩრდილოეთ კორეასთან, განაცხადა სახელმწიფო დეპარტამენტის პრეს-სამსახურის ხელმძღვანელმა ნედ პრაისმა ბრიფინგზე.
„ჩვენ ძალიან მკაფიოდ მივანიშნეთ, რომ მზად ვართ მივუსხდეთ მოლაპარაკებათა მაგიდას ჩრდილოეთ კორეის წარმომადგენლებთან, ნებისმიერ დროსა და ნებისმიერ ადგილზე“, – ციტირებს პრაისის განცხადებას სააგენტო Yonhap News.
მისი თქმით, ვაშინგტონი ფხენიანისგან კონსტრუქციულ პასუხს ელოდება.
მიმდინარე წლის აპრილის ბოლოს თეთრი სახლის პრეს-მდივანმა ჯენ პსაკიმ განაცხადა, რომ შეერთებულმა შტატებმა ახალი მიდგომა შეიმუშავა ჩრდილოეთ კორეის მიმართ, თქვა რა უარი „სტრატეგიული თმენის“ და ფხენიანთან „გრანდიოზული გარიგების“ იდეებზე, რითიც ამერიკის წინა ხელისუფლება ოპერირებდა.
მანამდე ჯო ბაიდენის ადმინისტრაციამ მიანიშნა, რომ კორეის ნახევარკუნძულის ბირთვული იარაღისგან გათავისუფლების მიზნით ჩრდილოეთ კორეასთან პირისპირ ორმხრივ დიალოგს არ გეგმავდა. თუმცა მაისის ბოლოს პრეზიდენტმა ჯო ბაიდენმა განაცხადა, რომ მზადაა პირადად შეხვდეს კიმ ჩენ ინს გარკვეული პირობებით, რომლებიც, უპირველეს ყოვლისა, ფხენიანის დენუკლეარიზაციის მიზნით მოლაპარაკებებს მოიაზრებს.
აშშ-ის და ჩრდილოეთ კორეის ლიდერების დონალდ ტრამპისა და კიმ ჩენ ინის უპრეცედენტო შეხვედრა, რომლის მიზანიც დენუკლეარიზაციის პრობლემის გადაჭრა იყო, 2018 წლის ივნისში გაიმართა სინგაპურში. სამიტზე მიღებული დოკუმენტის თანახმად, ფხენიანმა დენუკლეარიზაციის ვალდებულება აიღო ვაშინგტონის მხრიდან უსაფრთხოების გარანტიების სანაცვლოდ.
2019 წლის თებერვალში აშშ-ის და ჩრდილოეთ კორეის ლიდერები მეორედ შეხვდნენ ერთმანეთს ჰანოიში, მათ შორის პირისპირაც, თუმცა შეთანხმებას ვერ მიაღწიეს და ერთობლივ დოკუმენტზე ხელი არ მოუწერიათ.
2019 წლის 30 ივნისს დონალდ ტრამპი და კიმ ჩენ ინი მესამედ შეხვდნენ ერთმანეთს სამხრეთ და ჩრდილოეთ კორეის რესპუბლიკების საზღვარზე, დემილიტარიზებულ ზონაში. თუმცა ეს შეხვედრაც, ისევე, როგორც იმავე წლის ოქტომბერში შვედეთში გამართული შეხვედრა ვაშინგტონისა და ფხენიანის წარმომადგენლებს შორის, უშედეგოდ დასრულდა.
