08:29 01 აგვისტო 2021
პირდაპირი ეთერი
  • EUR3.7174
  • 100 RUB4.2829
  • USD3.1244
მსოფლიოში
მოკლე ბმულის მიღება
საერთაშორისო პანორამა (592)
115 0 0

ისრაელში დღეისათვის ქვეყნის მოსახლეობის ნახევრაზე მეტია აცრილი COVID-19-ზე, იგეგმება ბავშვებისა და მოზარდების ვაქცინაცია

თბილისი, 1 ივნისი — Sputnik. COVID−19−ით დაავადების სტაბილურად დაბალი მაჩვენებლის გამო ისრაელში მოხსნილია ყველა საკარანტინო შეზღუდვა, გარდა შენობებში პირბადის ტარებისა, იუწყება რადიო KAN−ი.

„2021 წლის 1 ივნისიდან არცერთი სხვა შეზღუდვა  აღარ იმოქმედებს. მწვანე საშვის აუცილებლობა  აღმოფხვრილია, იისფერი სტანდარტის შეზღუდვები — გაუქმებული. დახურულ შენობებში პირბადის ტარება სავალდებულო იქნება მანამ, სანამ სხვა გადაწყვეტილებას არ მივიღებთ“, — განაცხადა რადიოს ეთერში ჯანდაცვის სამინისტროს წარმომადგენელმა.

აღსანიშნავია, რომ „მწვანე საშვი“ — ეს ვაქცინაციის შესახებ დოკუმენტია, რომლის წარდგენაც მანამდე აუცილებელი იყო საზოგადოებრივი თავშეყრის ადგილებში, ხოლო „იისფერი სტანდარტი“  საზოგადოებრივი დაწესებულებების მუშაობას არეგულირებდა.

ამასთან ისრაელში კვლავ მოქმედებს შეზღუდვა, რომლის თანახმადაც ქვეყნის მოქალაქეებს ეკრძალებათ COVID-19−ის მაქსიმალური რისკის ქვეყნებში მოგზაურობა.

ისრაელში ვაქცინაციის კამპანია 2020 წლის დეკემბერში დაიწყო. დღეისათვის სრულად აცრილია მოსახლეობის 55%, ანუ ხუთ მილიონ კაცზე მეტი. ამასთან ქვეყანა მზადაა, დაიწყოს ბავშვებისა და მოზარდების ვაქცინაცია. განიხილება მათთვის COVID−19−ის ვაქცინის მხოლოდ ერთი დოზის შეყვანის საკითხი, ნაცვლად ჩვეული ორისა.

თემები:
საერთაშორისო პანორამა (592)

მთავარი თემები