18:06 13 ივნისი 2021
პირდაპირი ეთერი
  • EUR3.8523
  • 100 RUB4.4253
  • USD3.1701
მსოფლიოში
მოკლე ბმულის მიღება
საერთაშორისო პანორამა (449)
42 0 0

ევროპის მაუწყებელთა კავშირის გადაწყვეტილება ბელტელერადიოკომპანიის წინააღმდეგ ორი კვირის შემდეგ შევა ძალაში.

თბილისი, 28 მაისი — Sputnik. ევროპის მაუწყებელთა კავშირმა (EBU) ბელარუსის ტელერადიოკომპანიას წევრობა შეუჩერა ქვეყანაში სიტყვის თავისუფლების კუთხით პრობლემების გამო, ნათქვამია ორგანიზაციის განცხადებაში.

„EBU ყურადღებით აკვირდება ბელარუსში მედიასაშუალებების თავისუფლების შეზღუდვას და თანმიმდევრულად მოუწოდებს ბელტელერადიოკომპანიას, როგორც EBU-ს წევრს, დაიცვას ჩვენი ფუნდამენტური ფასეულობები — სიტყვის თავისუფლება, დამოუკიდებლობა და ანგარიშვალდებულება“, — აცხადებენ ევროპის მაუწყებელთა კავშირში.

როგორც EBU-ს განცხადებიდან ირკვევა, ორგანიზაცია „ბოლო კვირებში შეშფოთებულია ბელტელერადიოკომპანიის ეთერში გასული ინტერვიუებით, რომლებიც აშკარად ზეწოლით იყო მიღებული“.

გარდა ამისა, ევროპულ ორგანიზაციას აშფოთებს ბელტელერადიოკომპანიის სხვა გადაცემებიც, რომლებიც „სერიოზულ და სრულიად განსაკუთრებულ შიშებს იწვევს“.

გამომდინარე აღნიშნულიდან, EBU-ს აღმასრულებელმა საბჭომ მიიღო გადაწყვეტილება, შეაჩეროს  ბელტელერადიოკომპანიის წევრობა ორგანიზაციაში, რომელიც ორი კვირის შემდეგ შევა ძალაში.

თემები:
საერთაშორისო პანორამა (449)

მთავარი თემები