17:35 14 მაისი 2021
პირდაპირი ეთერი
  • EUR4.1366
  • 100 RUB4.6046
  • USD3.4283
მსოფლიოში
მოკლე ბმულის მიღება
საერთაშორისო პანორამა (392)
82 0 0

ბილ და მელინდა გეიტსები განქორწინების თაობაზე სასამართლოს დანიშვნას მომავალი წლის აპრილისთვის ითხოვენ.

თბილისი, 4 მაისი — Sputnik. კომპანია Microsoft-ის დამფუძნებელი ბილ გეიტსი მეუღლესთან მელინდასთან განქორწინებას გეგმავს, რის შესახებაც წყვილმა უკვე გამოაცხადა.

„ურთიერთობებზე ბევრი მუშაობისა და ფიქრის შემდეგ გადავწყვიტეთ, დავასრულოთ ქორწინება“, — ნათქვამია განცხადებაში, რომელიც ბიზნესმენმა საკუთარ Twitter-აკაუნტზე განათავსა.

​გეიტსების თქმით, ერთად ცხოვრების 27 წლის განმავლობაში სამი არაჩვეულებრივი შვილი გაზარდეს და დააფუძნეს საქველმოქმედო ფონდი, რომელიც მთელი მსოფლიოს მასშტაბით მუშაობს. წყვილი განქორწინების შემდეგაც ერთად აპირებს ფონდზე მუშაობას.

ცნობილი ხდება ისიც, რომ მელინდა გეიტსი, რომელმაც შეიტანა სასამართლოში განქორწინების შესახებ განცხადება, გაყრის შემდეგ მეუღლისგან ალიმენტის გადახდას არ მოითხოვს.

გამოცემა TMZ-ს ცნობით, წყვილი სასამართლოს დანიშვნას 2022 წლის აპრილისთვის ითხოვს, თუმცა გამორიცხული არ არის, რომ გეიტსებმა შეთანხმებას სასამართლოს გარეშეც მიაღწიონ.

ამ დროისათვის განქორწინების მიზეზი ცნობილი არ არის.

ბილ გეიტსი მსოფლიოს უმდიდრესი ადამიანების ხუთეულში შედის. მისი ქონება 130 მილიარდ დოლარად არის შეფასებული.

თემები:
საერთაშორისო პანორამა (392)

მთავარი თემები