12:34 20 აპრილი 2021
პირდაპირი ეთერი
  • EUR4.1351
  • 100 RUB4.5112
  • USD3.4359
მსოფლიოში
მოკლე ბმულის მიღება
საერთაშორისო პანორამა (335)
81 0 0

შეერთებულმა შტატებმა მანამდე არაერთხელ მოუწოდა თურქეთს, შეეწყვიტა რუსეთის თავდაცვის უწყებასთან თანამშრომლობა.

თბილისი, 6 აპრილი — Sputnik. აშშ სანქციებს უწესებს თურქეთის სახელმწიფო დაწესებულებასა და ოთხ ჩინოვნიკს რუსეთის ფედერაციის თავდაცვის სექტორთან თანამშრომლობისთვის, ნათქვამია აშშ-ის ხელისუფლების ფედერალურ რეგისტრზე ატვირთულ უწყებაში.

უწყება ოფიციალურად გამოქვეყნდება 7 აპრილს და იმავე დღეს შევა ძალაში.

დოკუმენტის თანახმად, შეზღუდვები შეეხება თურქეთის თავდაცვის ინდუსტრიის სამმართველო SSB-ს და ასევე მის თანამშრომელ ოთხ ჩინოვნიკს — უწყების ხელმძღვანელის ისმაილ დემირის ჩათვლით.

სანქციები წესდება „ამერიკის მოწინააღმდეგეებთან სანქციების მეშვეობით ბრძოლის შესახებ კანონის“ (CAATSA) ფარგლებში.

ამასთან უწყების ტექსტში ნახსენები არ არის რუსული საზენიტო–სარაკეტო კომპლექსი С-400, რომლის შეძენის გამო ემუქრებოდა აშშ თურქეთს სანქციებით. თურქული SSB-სთვის სანქციები ნიშნავს ამერიკული ექსპორტისა და კრედიტების აკრძალვას ამ ორგანიზაციისთვის.

რაც შეეხება ჩინოვნიკებს, მათ აეკრძალებათ აშშ-ის ტერიტორიაზე შესვლა, ხოლო მათი აქტივები, რომლებიც ამერიკულ იურისდიქციაში მოიძებნება, დაიბლოკება. ამასთან ამერიკელებს აეკრძალებათ მათთან ნებისმიერ სახის ტრანზაქციის განხორციელება.

თემები:
საერთაშორისო პანორამა (335)

მთავარი თემები