06:30 07 მარტი 2021
პირდაპირი ეთერი
  • EUR3.9640
  • 100 RUB4.4518
  • USD3.3202
მსოფლიოში
მოკლე ბმულის მიღება
საერთაშორისო პანორამა (188)
56 0 0

ზოოპარკი უჩვეულო, თუმცა უკვე ტრადიციად ქცეულ აქციას შეყვარებულების დღეს – 14 თებერვალს მოაწყობს, მიღებულ თანხას კი ცხოველების საჭიროებებს მოახმარს.

თბილისი, 9 თებერვალი — Sputnik. ტეხასის ელ-პასოს ზოოპარკმა 14 თებერვლისთვის ტრადიციული აქცია დააანონსა, რა დროსაც მსურველები 5 დოლარად შეძლებენ ტარაკანს ყოფილი მეუღლის, ან სამსახურში უფროსის სახელი დაარქვან, შემდეგ კი მწერი პირდაპირ ეთერში აჭამონ რომელიმე ცხოველს.

„დროა გამოგვიგზავნოთ იმის სახელი, ვინც თავი მოგაბეზრათ — ყოფილი მეუღლის, უფროსისა ან მისი, ვინც გვერდში ეკალივით გესობათ, და ტარაკანს მათ სახელს დავარქმევთ“, — ნათქვამია ზოოპარკის Facebook-გვერდზე.

ტარაკნების გარდა, მსურველებს შეუძლიათ 25 დოლარად შეიძინონ გაყინული ვირთხა, რომლითაც ქვეწარმავლებს ან ზოოპარკის სხვა ბინადრებს გამოკვებავენ.

ამასთან ზოოპარკის ადმინისტრაციამ წელს ვეგანებისთვის მისაღები ვარიანტიც შეარჩია: მათ შეუძლიათ კომბოსტოს დაარქვან „გამამწარებელი“ ადამიანის სახელი და ის ბალახისმჭამელ ცხოველს მიართვან.

ზოოპარკი განაცხადებს 12 თებერვლამდე მიიღებს, „საზეიმო ჭამა“ კი 14 თებერვალს გაიმართება.

გავრცელებული ინფორმაციით, შეგროვებული თანხა ზოოპარკის საჭიროებებს მოხმარდება.

თემები:
საერთაშორისო პანორამა (188)

მთავარი თემები