თბილისი, 31 დეკემბერი — Sputnik. საზოგადოებრივი აზრის კვლევის ამერიკულმა ინსტიტუტმა Gallup–მა (გელაპის ინსტიტუტი) ტრადიციული გამოკითხვა ჩაატარა იმ პოლიტიკოსთა გამოსავლენად, რომლებმაც მსოფლიო აღაფრთოვანეს, იუწყება New York Post-ი.
გამოკითხვის შედეგების თანახმად, რეიტინგში პირველ ადგილს აშშ–ის პრეზიდენტი დონალდ ტრამპი იკავებს. მას რესპონდენტების 48%-მა მისცა ხმა.
მანამდე, მთელი 12 წლის განმავლობაში, გელაპის ინსტიტუტის რეიტინგში პირველ ადგილს უცვლელად იკავებდა ექს–პრეზიდენტი ბარაკ ობამა, რომელსაც ამჯერად გამოკითხულთა მხოლოდ 32%–მა მისცა ხმა.
აღსანიშნავია, რომ ჯო ბაიდენს რესპონდენტთა მხოლოდ 13%-მა პროცენტმა დაუჭირა მხარი.
აშშ–ის მოქმედი პრეზიდენტი გამოკითხვის შედეგებს საკმაოდ ღვარძლიანად გამოეხმაურა საკუთარ Twitter–აკაუნტზე:
“Barack Obama was toppled from the top spot and President Trump claimed the title of the year’s Most Admired Man. Trump number one, Obama number two, and Joe Biden a very distant number three. That’s also rather odd given the fact that on November 3rd, Biden allegedly racked up
— Donald J. Trump (@realDonaldTrump) December 30, 2020
„ბარაკ ობამა პირველი ადგილიდან ჩამოვარდა, ხოლო პრეზიდენტი ტრამპი წლის ყველაზე აღმაფრთოვანებელი ადამიანია. ტრამპი პირველია, ობამა — მეორე, ხოლო ბაიდენი — მესამე. ეს საკმაოდ უცნაურია იმ ფაქტის გათვალისწინებით, რომ 3 ნოემბერს ბაიდენმა თითქოს მილიონი ხმით მეტი მიიღო, ვიდრე ტრამპმა, მაგრამ ამ გამოკითხვაში მას ვერც კი უახლოვდება. აქამდე არცერთი ახალი პრეზიდენტი არ ყოფილა ესოდენ შორის ამ ყოველწლიურ გამოკითხვაში“, — დაწერა დონალდ ტრამპმა.
აღსანიშნავია, რომ მსგავსი გამოკითხვები აშშ–ში უკვე 76 წელია, რაც ტარდება. ყველაზე ხშირად, ყველაზე საპატივცემო ადამიანების სიის სათავეში ამერიკის მოქმედი პრეზიდენტები ხვდებიან. თუ ის პირველი პოზიციიდან ჩამოქვეითდა, ეს იმას ნიშნავს, რომ პრეზიდენტი არაპოპულარულია.
