14:24 28 ნოემბერი 2020
პირდაპირი ეთერი
  • EUR3.9545
  • 100 RUB4.3692
  • USD3.3164
მსოფლიოში
მოკლე ბმულის მიღება
მსოფლიო დღეს (2324)
52 0 0

მანამდე 2,6 ათასზე მეტი დაუთვლელი ბიულეტენი აღმოაჩინეს ჯორჯიის ერთ-ერთ ოლქში, რაც ოლქის საარჩევო კომისიაში სკანირების აპარატის გაუმართაობას მიაწერეს.

თბილისი, 18 ნოემბერი — Sputnik. აშშ-ის ჯორჯიის შტატის ფლოიდის ოლქის შემდეგ დაუთვლელი საარჩევნო ბიულეტენები აღმოჩენილია ფაიეტის ოლქშიც, იუწყება Associated Press ადგილობრივ ხელისუფლებაზე დაყრდნობით.

საუბარია 2 755 ამომრჩევლის ბიულეტენზე, რომლებმაც საპრეზიდენტო არჩევნებში ხმა ვადამდე მისცეს.

ოლქის საარჩევნო კომისიის წარმომადგენლის თქმით, ეს ბიულეტენები მიღებისას სკანირებული იყო, თუმცა უბნების თანამშრომლებმა, უცნობი მიზეზით, არ გაითვალისწინეს ისინი ხმების დათვლის პროცესში. ადგილობრივ საარჩევნო კომისიაში მიაჩნიათ, რომ ეს შემთხვევითი შეცდომა იყო.

მანამდე 2,6 ათასზე მეტი დაუთვლელი ბიულეტენი აღმოაჩინეს ჯორჯიის კიდევ ერთ, ფლოიდის ოლქში, რაც, სავარაუდოდ, ბიულეტენების სკანერის აპარატის გაუმართაობის გამო მოხდა.

ამ დროისათვის შტატში ხმების თავიდან გადათვლა გრძელდება. არსებული მონაცემებით, ჯორჯიის ამომრჩეველთა 49,2% დონალდ ტრამპს უჭერს მხარს, ხოლო 49,5% – ჯო ბაიდენს.  

საქმე მანძილშია: პენსილვანიის სასამართლომ ტრამპის სარჩელი არ დააკმაყოფილა>>

ჯორჯია (16 ელექტორალური ხმა) ერთ-ერთია იმ ოთხი შტატიდან, რომლებშიც საპრეზიდენტო არჩევნებში გამარჯვებული ჯერ არ გამოცხადებულა და რომლებმაც შეიძლება განსაზღვრონ არჩევნების საბოლოო შედეგი. ჯორჯიაში კენჭისყრის შედეგების ოფიციალური დადასტურების ვადა 20 ნოემბერს იწურება.

 

თემები:
მსოფლიო დღეს (2324)

მთავარი თემები