12:06 18 სექტემბერი 2020
პირდაპირი ეთერი
  • EUR3.7603
  • 100 RUB4.2518
  • USD3.1886
მსოფლიოში
მოკლე ბმულის მიღება
მსოფლიო დღეს (2066)
6620

მანამდე გერმანიის კანცლერი აცხადებდა, რომ მისი მთავრობა აპირებს ბოლომდე დაასრულოს გაზსადენ „ჩრდილოეთის ნაკადი-2“-ის მშენებლობა მიუხედავად აშშ-ის წინააღმდეგობისა.

თბილისი, 11 სექტემბერი — Sputnik. გერმანიის ხელისუფლება არ გამორიცხავს, რომ ალექსეი ნავალნისთან დაკავშირებული ინციდენტის გამო გაზსადენ „ჩრდილოეთის ნაკადი-2“-ის მშენებლობა შეჩერდეს, განუცხადა საგარეო საქმეთა მინისტრმა ჰაიკო მაასმა ტელეარხ ZDF-ს.

„ჩვენ დღის წესრიგში ყველა ვარიანტს დავაყენებთ და შესაფერის დროს მივიღებთ გადაწყვეტილებას. რუსეთს გამოძიებაში მონაწილეობით შეუძლია წვლილი შეიტანოს იმაში, რომ ამგვარი გადაწყვეტილება არ მივიღოთ“, — განაცხადა მინისტრმა.

კვირის დასაწყისში გერმანიის მთავრობა უკვე აცხადებდა რუსული პროექტის წინააღმდეგ სანქციების დაწესების შესაძლებლობის თაობაზე. ეს განცხადებები ბუნდესტაგის ეკონომიკისა და ენერგეტიკის საკითხთა კომიტეტის ხელმძღვანელმა კლაუს ერნსტმა გააკრიტიკა და აღნიშნა, რომ ამ პროექტით ბევრი ევროპული კომპანიაა დაინტერესებული.

„ჩრდილოეთის ნაკადი-2“ მოიცავს გაზსადენის ორი ხაზის მშენებლობას, რომელთა საერთო სიმძლავრე 55 მილიარდი კუბური მეტრია წელიწადში და გაჭიმულია რუსეთის სანაპიროდან გერმანიამდე ― ბალტიის ზღვის გავლით. პროექტს ახორციელებს Nord Stream 2 AG ერთადერთ აქციონერთან – „გაზპრომთან“ ერთად.

თემები:
მსოფლიო დღეს (2066)

მთავარი თემები